في هالحمل موووول ما كليت حبوب الفيتامينات و الحديد و الكالسيوم لصحة الجسم

هلا بنات
بغيت أسألكم ان أنا في هذا الحمل موووول ما قمت اكل حبوب الفوليك اسيد و الكالسيوم و الحديد
من بدايه الحمل لين الحيينه
أنا الحينه في الثامن
الاسبوع ال31
بناات يضر الجنين و لا ؟؟
أنا موووول ما أطيق الحبوب
و هذا ثاني حمل لـي
و حملت على طول يوم كان ولدي 2 و نص
و في الحمل الاول كنت وااايد مهتمه و كنت اكل
ساعدوني

اختي الفوليك اسيد مهم بس الحديد والكالسيوم على حسب حاجة الجسم واهم شي يكون اكلج صحي ومتوازن ولا تنسين التمر والله يسهل عليج ولادتج يا رب

بنات ردوا عليها لأنها نفس معاناتي ما اروم ابلع هالحبوب شرات القارب كبيرة و طعمها مو شي

الفوليك اسيد وااااايد مهم ونقصه يأثر ع البيبي وهالشي صار ببنت خويه بس مادامج ف ٨ والحمدلله كل امورج وامور البيبي اوكي توكلي ع ربج تغذي وكلي الاشيا الي فيها فيتامينات وحديد
بس انا لين الحين آكل فيتاميناتي كلهن لانه فيه فقر دم
الله يسهل ولادتنا انشالله

أنا بعد نفس معاناتج مول ما أكل فيتامينات
مع اني ف الحمل الاول كنت وايد مهتمه بس للاسف صار عندي فقر دم وانا حاليا ف الشهر الثامن
حبيبتي أيام أمهاتنا قبل ما كان عندهم هالسوالف فيتامينات ومادري شو
متوكله على ربي وانتي بعد اتوكلي على ربج

ظروري الفوليك اسيد.. ونقصه يأثر على البيبي.. واذا ما بتاخذين الحبوب لازم تتأكدين انه اكلج اليومي في كل العناصر الغذائية اللي تعوضج عن هالحبوب.

حبيبتي بالنسبه لدواء فوليك اسيد انا عندي حريم اخواني بالبدايه كانوا ياخذون وبعدين على حملهم الثاني والثالث ما كانوا ياخذون بس اشوفهم عادي ما ياثر
حتى انا ما احب اخذ الدواء وهذا اول حمل لي فتره وودرت لاني ما اقدر ع الادويه

استشيري الدكتورة يكون افضل يالغاليه