شحالكن خواتي؟
فديتكن عندي مشكله كبيره ماعرفت كيف احلها
حبيبااتي ربيعتي مالجه من شهر تقريبا وكل يوم ترمسلي عن ريلها وانا عادي عندي الموضوع . . بس هي تقول اونه بعد العرس ما يبا يكون عندها ربايع يعني نطلع ويا بعض او نرمس بعض بالفون او حتى فالجامعه ما نتلاقى موول ..بصراحه استغربت من هالطلب وقلتلهاا تقعد وياه وتشوف شو المشكله فالموضوع لو ان عندها ربيعات ترد تقولي ان اهلها ما يرضون انها تقعد وياه حتى ولو في حد موجود معاهم .. وهي تشوفه بالدس لما تطلع السوق مع اخته " للعلم انا ماكنت اعرف منو خطيبها وحتى اخته لانهم ماسوو حفله وبطبيعه ربيعتي تشك بسرعه وتعصب على اتفه الاسباب "
الاسبوع اللي طاف اختي كانت شاريه بلاك بيري يديد وتقولي انها بضيف بنكودي عشان اقبل الاضافه وقلتلها اوك .. المهم نفس اليوم الساعه 1 فليل
يتني اضافه وقبلتها ع اساس انها اختي .. المهم خليت الفون سايلنت ونمت .. ونشيت الصبح اول ما مسكت الفون لقيت مس كولات ورسايل عالوتساب
وعالفون نفسه وعالبيبي مسن استغربت فتحت الرسايل كانن رسايل حب وغرام " تقريبا كانن 4 " و3 مس كول من رقم غريب وعالبيبي مسن " شحالج .. وينج .. ابا ارمسج " المهم طنشت قلت يمكن اختي تسوي فيني مقلب بس لما رحت الجامعه نفس الرقم دقلي ولما رديت طلع ريال وسكرت
ورد دق عقب طرش رساله " كلميني عالبيبي مسن " استغربت منو هذا اللي عنده رقمي وبن كودي دشيت بس ما رمست قال انه خطيب ربيعتي
ويبا يكلمني اني اقولها تبتعد عنه لانه مغصوب عليها ومايباها وهي شكاكه بس انا ما رديت عليه .. عقب قالي انا اعرفج واعرف اهلج هي كل يوم
تكلمني عنج وبيي اخطبج ومن هالكلام .. بصراحه انصدمت من كلامه واسلوبه .. وكنت بروح اراويها الرسايل عشان تشووف بعينها عقب قلت
حرام عندها كويز ما ابا اعكر مزاجها وسكرت الفون واستخدمت فوني الثاني .. بعد 3 ايام لقيت رقم يدق على فوني الثاني ولما فتحت البيبي
لقيت نفس الرقم وعصبت مسكت الفون ورديت عليه وقلتله انت ما تستحي ع ويهك اذا تبا اطلقها بكيفك لا ادخلني بينك وبين حرمتك .. المهم
قام يقولي والله اني اباج وما اباها وبيي الحين بخطبج ومن هالكلام وسكرت فويهه .. دشيت البيبي مسن وكلمت ريل اختي وخبرته السالفه كامله
وهو خذ الرقم والبن كود وقعد يكلمه .. المهم رد علي ريل اختي قال هذا راعي سوالف وكم مره دش السجن وسمعته مب لذاك الزود كيف اهل ربيعتج وافقو عليه قلتله ماعرف قالي خبريها عشان ما يتم شي فذذمتج وراويها الرسايل عشان تتاكد
الحين صارلي 3 ايام كل ما افتح معاها الموضوع احس حرام اصدمها وارجع اسكت اقول انا مالي دخل يمكن هي تعرف بسوالفه وراضيه فيه
ماعرف قولولي اقوولها والا لا ؟؟
شي ثاني هي بسرعه تشك وعادي تقول اني انا اللي سويت هالشي
مب عارفه كيف افاتحها فالموضوع من الاسااس احس الموضوع صعب
هذا رأيي