حبيت افتح ها الموضوع عشان الكل يستفيد وان شاء الله ها الموضوع يفيد الكل ويكون فيه تفاعل
كل وحدة جربت زيت طبيعي لشي معين واستفادت منه يا ليت تقولنا ، وتقولنا من وين اشترته وكيف طريقة الإستخدام وحق شو بالضبط عشان الكل يستفيد ..
أنا ببدأ
1 . استخدمت زيت جنين القمح وزيت اللوز وقلل وايد خطوط التمدد اللي تطلع بالجسم ، خذته من شركة الجبل الأحمر في بوظبي واستخدمته تقريبا شهرين في الليل عن طريق دهن المنطقه بهاي الزيوت والحمد الله لاحضت الفرق من الشهر الأول وبشرة الأرداف عندي صارت وايد احسن
2. زيت الخروع + زيت اللوز ، خذتهم من الجمعية، يستخدم لتخفيف العلامات القديمة والبقع السوداء اللي في الجسم الناتجة عن جرح قديم او اي بقعه داكنة في الجسم
يدهن بالزيت في الليل واذا بغيتي نتيجه اسرع تدهنيه كمن مره به في اليوم ثلاث مرات بس عني انا كنت ادهن في الليل بس واغسله الصبح … لاحضت النتيجه من 2 اسبوع الحمد الله وبعض البقع اختفت مول والباقي خفن وايد ولين الحين مستمره عليه
نبا مشركاتكم خواتي وتفاعلكم عشان الكل يستفيد والسموحة …
مشكورين خواتي على الردود بس ما كنت اتوقع الا ردين بس .. اتمنى الكل يشارك عشان الكل يستفيد ..