فن لف الورق : الدرس الثاني … أشكال اساسيه ديكور عصري

هذا الرابط يودي على الدرس الاول

https://forum.uaewomen.net/showthread.php?t=158058

الدرس الاول انتهى بعمل الدايره الي هي lose coil او tight coil

الدرس الثاني عباره عن مجموعة صور .. الاشكال الموجوده اساسها طبعا الدايره الواسعه الي سويناها في الدرس الاول بس بضغط على بعض الاطراف تطلع الاشكال الي تشوفونها

طبعا كل تصميم تفكرين تسوينه بيكون عباره عن مجموعه من الاشكال الي تشوفونها
مثلا لو خذتي 5 اشكال من الدمعات تقدرين تسوين فيهم ورده
على حسب شو بتسوين

هذي روابط فيها ملفات تشرح بعض الاشكال …

https://images.marthastewart.com/imag…cquilling1.pdf

https://images.scrippsweb.com/DIY/200…405Connors.pdf

الحين بحطلكم بعض الادوات و الاشيا الي تستخدم في هذا الفن

اهم شي ابرة لف الورق و تيي بأشكال مختلفه … الشي الاساسي هو الحديده المقسومه نصين

الشي الثاني … اشرطة الورق و تي بمقاسات مختلفه
في الي عرضها 3 مم (اكثر شي استخدمه)
وفي عرضه 5 مم … استخدمه اذا بغيت اسوي اشيا اكبر
وفي عرضه 1 سم .. استخدمها اكثر شي حق الورود المشرشره
في قياسات ثانيه .. بس هذيل الاكثر استخداما

قاعدة عباره عن خشب مضغوط وعليها دواير بأحجام مختلفه … تستخدم كسطح عمل
شو فايدتها … اذا كنتي تبين تسوين دواير بأحجام متساويه فهذا الشي بيفيدج
وبعد اذا تبين تثبتين عمل معين بالدبابيس فالقاعده الخشبيه بتفيدج

Fringer هذي قطاعه حق الورق العريض ( 1 سم ) في منها نوعين
وحده تقص بزاوية 90 درجه
وفي وحده تقص بزاوية 45 درجه
تقدرون تسوون فيها الورود المشرشره

مشط ….

تقدرون تسوون هالشكل بها المشط

الى اللقاء في دروس ثانيه ^_^

رابط الدرس الثالث https://forum.uaewomen.net/showthread.php?t=311900

ما شاء الله عليكي يا 3annabah أنتي أصلاً كلك إبداااااااع
أنا شفت لك كم موضوع عملتي إبداعات خطيرة بالورق ما شاء الله ما شاء الله عيني عليكي باردة والله يوفقك دائماً وأبداً
بس حبيبتي حبيت أسألأك من وين نلاقي هذي الأدوات؟

الادوات انا اشتريهن من النت
www.target.com
بس بعد تقدرين تستخدمين اشيا بديله مثل نكاشة الاسنان بدال ابرة اللف
والاوراق تقدرين تقصينهم بنفسك
اما باقي الادوات مب هالقد ضروريه

روعه و تسلمين عالدروس الحلوه
ان شاء الله بجربه و بحط الصور …

تسلم يمناج غاليتي

ربي يوفقج

مرورج الاحلى و نتريا نشوف التطبيق ^_^

يا هلا و غلا
مشكوره حبيبتي على المشاركه