شخباركن خواتي ؟
طبعاً انا في رمضان مبركنه في هالقسم والمطبخ 
من يومين حصلت وصفة سهلة و سريعة و ما تاخذ وقت ..
(سويت الميني توفي)
خذت الطريقة و طبقتها و قلت براويكم النتيجة مع المقادير :
الطبقة الاولى :
بسكوت اولكر وزبده
الطبقه الثانيه :
علبة زبادي وفنجانين حليب بودره و4 كيري وفنجان ونص سكر
الطبقه الثالثه :
1كريمه كرميل وكوب حليب سايل ونص ملعقه نسكافيه
– الطريقه:
نطحن البسكوت بالطحانه طحن ناعم ونعجنه بزبده فقط
ونوزع اوراق البليسيه بصينية الكب كيك ونوزع البسكوت
مع الضغط الخفيف ونحطه بالفريزر
ونخلط مقادير الطبقه الثانيه بالخلاط ونوزعها عالبسكوت بالصينيه
ونحطها بالفرن ربع ساعه فقط من فوق
وبعدين نحط مقادير الطبقه الثالثه بقدر عالنار الين تغلي ونبردهااا شوي
ونوزعها على طبقة التشيز ونحطها بالثلاجه عشان تتماسك
وبعدين نشخبطها بالكراميل الاسود اللي مع الكريمه وبس
ويزين بفستق ومكسرات أو أي زينه تحبينها
و هنيه صور التطبيق من ايديني الحلوة لوول :
مثل ما تشوفون سهله و شكلها حلو في التقديم وطعمها خفيف ^.^
بس انا نسييت الطبقة البيضا في الفرن واحترقت طشونه من فوق لا تخبرون حد لوول 
المهم لا تخلونها وايد في الفرن يعني بالكثير 10 دقايق و لازم تكون بيضا ما تحمر ..
وانا ما كانت عندي اوراق البليسيه مخلصه عشان جيه استخدمت قوالب السيلكون وطلّعتها بعدين
و عواآفي عليكم مقدماً
ماشاء الله
شكله وايد مغري
تسلم ايدج أختي 
6212 اغاثة الصومال 20 درهم
6215 اغاثة الصومال 100 درهم
حَدَّثَنَا خَالِدُ بْنُ خِدَاشٍ الْمُهَلَّبِيُّ ، وَعُبَيْدُ اللَّهِ بْنُ عُمَرَ الْجَشْمِيُّ ، قَالَا :
حَدَّثَنَا حَمَّادُ بْنُ زَيْدٍ ، عَنْ مُحَمَّدِ بْنِ وَاسِعٍ ، ذَكَرَ رَجُلٌ ، عَنْ أَبِي صَالِحٍ ،
عَنْ أَبِي هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
مَنْ فَرَّجَ عَنْ مُسْلِمٍ كُرْبَةً مِنْ كُرَبِ الدُّنْيَا فَرَّجَ اللَّهُ عَنْهُ كُرْبَةً مِنْ كُرَبِ الْآخِرَةِ ،
وَمَنْ سَتَرَ أَخَاهُ الْمُسْلِمَ فِي الدُّنْيَا سَتَرَهُ اللَّهُ فِي الدُّنْيَا وَالْآخِرَةِ ،
وَاللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ .
تسلم يمينج حبيبتي
طرشي لي وحده ههههههه
بس اختي فـ الخطوات ما ذكرتي متى نحطه فالفرن وبعدين قلتي انج نسيتيه فالفرن..
ممكن توضحين اكثر لو ماعليج امر..
المشاركة الأصلية كتبت بواسطة الدانــة 
بس اختي فـ الخطوات ما ذكرتي متى نحطه فالفرن وبعدين قلتي انج نسيتيه فالفرن..
ممكن توضحين اكثر لو ماعليج امر..
خلاص عدلت الموضوع و حطيتها
الله يسلمج ^.^