شحالكن شخباركــــن عساكن بخير
اليوم حبيت اطرح مشكلة ما اعرف كيف اوصفها
ف قلت بحط المشكلة و انتوا شوفوا شو الحل ….!!
عندي وحدة من الاهل الله يستر عليها و علينا ان شاء الله
تطلع مع شباب و اترمسهم و لا بعد تطلع مقاهي و اتشيش …
و المشكلة بعد مصورة معاهم و مراوتني الصور و انا حدي منصدمة ما اعرف شو اقول
هيه اكبر عني بواايد و حاولت انصحها قلت لها ..اتعرفين ان الي اتسوينه غلط ..قالت اعرف
و جاوبت اونه اتحبه و جي ….و لا بعد جم مرة الاهل عرفوا انها اترمس شباب
و نازعوها و كانوا بعد بيطلعونها من الجامعة ..بس ما طلعوها عشان كملت يمكن اكثر من سنه
عشان ما اتروح كل الدراسة ((هباءا منثورا)) …و كملت و قالوا بتتأدب و ما بترمس شباب
و بتهتم بدراستها …بس الحيــــــن كيف اتصرف وياها ..و لا راوتني صورتها هي ويا وااحد مزوج
في ووتر لاند فــ دبي ..و كانت قاعدة ف حظنه ..و لابسه قميص و شورت ….>.<"
و الله كل ما افكر ف الموضع اقول الله يعينها زوجته …يطلع مع بنات من وراها ….#.#
هذا كله من ورى الصحبة السيئة..و بعدين سارت الجامعة و صارت المشكلة دبل
انا ابى اقول حق الاهل بس ما ابي اكون فتانة لان البنت محطية ثقتها فيني و فنفس الوقت
ابى اوقفها عند حدها لان الي اتسويه غلط و قبل ما يطيح الفاس ف الراس…
مع كل هذا نحن عائلة محافظة ..ما عندها ها السوالف …يعني لو الاهل يعرفووون
يمكن يذبحونها عادي ..و خيلاني اذا حطوا ايدهم عليها جان راحت فيها البنية …
اختي لو تخبرين احسن على الاقل بيادبونها ترا اذا محد تصرف باجر بتتمادى اكثر وبتسوي فضيحه لاصارت ولا استوت الله المستعان
ما ادري شنو اقول
انصحيها وابتعدي عنها لان البنات اللي يكونووا جذي يسوون مشاكل لج
المفروض ما ترضين توريج شي او تسمعين منها شي عن هالسوالف هي تستانس لما توريج او تسولف لج عن مغامراتها المفروض ما تعطينها مجال خليها تحس انها منبوذة
اتصل مع امها او اختها اذا عندها اخوات .. من رقم ثاني ..
و حاولي تغيري طريقة كلامك شوي .. وقولي لهم انك وحدة زميلة لها في الجامعة ..
وان البنات يتكلمونعن بنتهم بطريقة مش حلوة و هي عندها تصرفات خطأ ..
و انصحيهم .. و ترا الكذب للإصلاح جائز ..
بس الي محيرني وين اهلها عنها وهي طالعة مع الشباب >< !
كيف ومتى !؟؟
الله يستر علينا وعليها يارب