شحالكم
انا الصراحه احب التنظيف و احب ارتب بس المشكله اني مب قادره ارتب في ملحقي مووول
انا ساكنه في ملحق بسيط في بيت اهل ريلي عباره عن غرفه و حمامها وانتوا بكرامه و ممر صغيرون جدا ً
مشكلتي انه اثاثي وايد كبير و مب عملي ابدا ً وانا وحده احب اتشرى قبل فيني هوس مب طبيعي و من فتره اصطلبت
و اتبعت وايد اشيا
مره بنت عم ريلي ساعدتني و رتبنا الحجره بكبرها من الصبح الين فالليل لكن طبعا ً كل شي اعتفس لأني تميت مب عارفه وين مكان الآشيا وانا هالشي وايد يضايجني يوم حد يرتب وياي فما اقدر اركز و مااعرف وين تنحط الأغراض
و احب ارتب بروحي
أحب اتحمس و اسوي كل شي بدقه لكن من فتره احس يايتني حالة اكتئاب شديده و مالي خاطر لـ شي و الجو ما يساعد و كله متكهرب و هالشي أثر علي و من كثر ما عندي ضغوط نفسيه كله اسير بيت اهلي و اخلي حجرتي لايثه دوم
و دوم انحط في مواقف كريهه يوم اكون مرتبه الحجره محد ايني و يوم كل شي معتسف كل حد ايني و حصلت تعليقات جدا ً بايخه
يوم اسير مكان اقدر ارتب فيه لكن من ارجع حجرتي اتم كله ابى اطلع ومالي خلق فيها
من فتره قلت لـ ريلي ابى اغير ورق الجدران و الحمدالله غيرته وطبعاً حسيت اني انكسرت من داخلي لأنه كل العمال اللي ايون قالوا لازم نطلع كل شي في الحجره عشان نقدر نشتغل طبعا ً صحت من الفشله و اغراضي كلها تمت برع تقريبا ً لمدة اسبوعين الساير و الراد يشوفها و شي اغراض نقصت ما بحط في ذمتي لكن احس انه البشاكير لهم دور وانا استودعت اغراضي رب العالمين و إن شاءالله برجع القى اللي ضاع مني
و الحمدالله قدرت ارتب وايد اشيا و اتبعت طريقة اني اطلع الفائض عندي و أشيا تالفه عقيتها و اللي مب تالف تبرعت فيها
و رتبت الكبت و تصرفت في ثيابي و اشتريت بوكسات من ايكيا البوكس يكون عباره عن 3 حبات بـ 69 بس انا خذته وقت العرض بـ 49 و قدرت ارتب الثياب فيه و قسمتهن و انجزت وايد اشيا في الحجره
لكن ما عندي مكان للتخزين و الحين افكر في شي ابى اسويه بس بعدني بدرس الموضوع عدل قبل
و توهقت عند المكتب مستوي فضيع و مب قادره اخلصه موول كل يوم اقول برتبه و ما ارتبه
تيني ايام اخلي كل شي مرتب و ايام كل شي مبهدل
حاليا ً كل شي مبهدل و منقهره و اشوف الآشيا جدامي و مب قادره اسوي شي
انا يوم اتم في حجرتي اشتغل بس من يسون لي تلفون تعالي داخل و اسير يضيع علي الوقت و ما انجز شي
الصبح سايره كارفور و مآخذه شوية اكل و برنتر يديده و كبت صغيرون للحمام وانتوا بكرامه لكن للحين كل شي مكانه كنت يالسه ارتب من سوا لي تلفون و سرت داخل من الساعه 8 و شوي و ما رجعت حجرتي الا الساعه 12 و شوي
الوقت كيف يطوف يوم كنت في الحجره قدرت انجز اشيا و شاريه فواكه و غسلتهم و كنت يالسه ارتب الثلاجه غسلتهم و خليتهم ينشوف و للحين ما دخلتهم احس بشي ثجيل صايبني
مااعرف ليش اتحمس فجأه و فجأه كل شي يروح
من يومين عدلت رقادي و يوم عدلته نشيت الصبح و يلست ارتب و اخم و اغسل ثياب ولدي و دخنت الحجره بلبان و ركبت دريس ريلي و ما خليت شي و ما سويته و اليوم الثاني سرت اخلص اشغالي و للحين ما رقدت فـ جدولي بيرجع يتخربط
شوه اسوي عشان ما يتوقف عني الحماس و كيف ارتب وقتي
أعرف النصايح لكن مااعرف شوه فيني
وانا مب من النوع اللي اذا حصل نقد بيكون أحسن !
شوه الحل فيني ! هل صايبتني عين من اللي حوالي لأني ضد فكرة البشكاره و مرة حمي ّ عندها بشكارتين و تحن ع كل حد عشان اييب لي بشكاره و تحاول تخرب علي بكل الطرق ! وانا وحده مليانه و توني مربي كملت 5 شهور و شوي و ابى اضعف واحب اشتغل و احاول استغل هالشي لصحتي ! ولا ها نوع يديد من الكسل المستفحل >_<
عليج بالدعاء واذكار الصباح والمساء …. قوليهن حتى وانتي تشتغلين
وبعلق على نقطتين ….. نقطة انج تخلين الغرفة مبهدله ما انصحج
لانه هالشي يزيد من تعب النفسيه
لكن يوم تلقينها مرتبه تفتح النفس وتخلي الواحد مزاجه حلووووووووو
والشي الثاني بخصوص الشغل وانقاص الوزن
انا معاج في هالنقطه ….. يعني يوم بتتحركين بتخفين وبتنشغلين عن الاكل
ويوم بتمين دوم يالسه وكسوله بتمين متينه وطول الوقت تاكلين
وبالتوفيق
انا حامل ومخليه يوم حق التنظيف انظف غرفتي والصاله واكرمتي الحمامات ويوم اخلص ادخن الغرفه ..
ويوم اخليه حق الغسيل ومن ينشفن اطرشهن حق الكوي لاني ماقدر اكوي عسب ظهري ..
والغرفه كل يوم من انش من الرقاد لازم اعدل الفراش وعلى صلاة المغرب لازم الغرفه تدخن بلبان شوي وعقب احط دخون عسب ريلي مايحب اللبان وايد ..
والزحمه فالغرفه احاول من فتره لفتره اطلع انا وريلي الاغراض الي مانباهن .. جذيه تخف الزحمه فالغرفه ..
والحمدلله الامور طيبه انتي رتبي نفسج ووقتج وصدقيني بجوفين انج مرتاحه وامورج تترتب بسرعه .. اهم شي ماتخلين يوم بدون ماتسوين شي .. وان احتجتي شي خبريني
إن شاءالله بحاول أقسم وقتي
حاليا ً ناشه متأخره و مزجمه و تعبانه لكن بحاول ما أخلي هالشي يأثر علي
بلملم الأغراض و بحاول أبتدي في المكتب و باجر بخليه للغسيل
عندي مشكله و يالسه افكر لـ حل لها
ريلي راعي بحر و عنده أغراضه الخاصه في البحر وانا المنطقه اللي هي الممر معقوله فـ أفكر اني اخليه يعدل البيبان الألمنيوم و أحط كبت اللي فيه رفوف و فيهن قفول و أرتب أغراض البحر فيهن
لكن لو خليت الباب ينفتح من صوب اليمين بيكون مواجهه لـ باب الحجره نفسها و باب الحمام وانتوا بكرامه
مب عارفه كيف برتب المكان !!
أنا علقت فيه 3 مربعات بيض مال ايكيا حق النعول وانتوا بكرامه و يمعت أغراض ريلي في بوكسات واحد ابيض كبير و اثنينه زرق صغار بس احس جي ماخذات المكان وايد وانا احب اغسل الأرضيه بين فتره و فتره بس لو حطيت الكبت ما بقدر انا مربعات النعول رافعتنهن فوق بحيث لو بغيت أغسل بالديتول أقدر المشكله في الكبت
لو بغير عن الكبت و بحط رفوف أخاف من باجر ولدي بيكبر و اغراض البحر خطره وايد واخافه يهبشهن عشان جي افكر بشي فيه قفول و ارتفاع الكبت مب وايد كبير عن الأرض يا دوب اقدر اطوف الممسحه من تحته
شوه الحل !
اختي تقولج طلعي ريلج واغراضه برا
لانه مابنى مكان يسد
والصراحة كسرتي خاطري ياليت كل الحريم مثلج
تحاتين النظافة و الترتيب وريلج مخلنج في المعمعة اروحج
تحاتين وين تحطين اغراضه وكيف الباب …..الخ
حاولي تبسطين الدنيا لانه ماتسووى
يوم تتكلمين في اشياء تذكريني بعمري
الله يعيني ويعينج
خلصتى سيري لولديج غير حفاظ ورضعيه ورقديه واستودعيه الله وقومي اذا يوم الغسيل عليج الغسيل والحمام
واذا يوم الغرفه خليها يوم الكبت ويومم المكتب بتقولي السري بقولج قبل تحط ريولج الارض وانتى تعدلي فى السرير
الحمام طبعا بس تنشوا الصبح ويسير ريلج الدوام انتى ع طول تكوني مجهزه مرش حاطه ممثل ديتول وكلوروس واي منظف ورشي الحمام من الجدران الى الارض ويبي مكنسه طويله اغسلي فيها الجدران والارض لنه ها حق الهيازه وفرشه صغيره للكراس
واشطفي وخليه ينشفي شوي لما تشوفي لج شغله ..
وهكذا طول اليوم
وقولي فى بالج الله لو رتبت المكتب اليوم وخليته يلق باخد لي كوفى او كابتشينو وكروسان يعنى كانج فى كافى شوب
مكافئه …..
وهكذا كل يوم لما يصير شغلج خفيف لنه كل شي مرتب
اغراض ريلج خليهم بكبت خارج الحجره لنه اكيد زحححمه
وقبل كل هذا عليج بالتوكل على الرحمن
اول شي قبل ماتنامي امس يد ريلج وقولوا سبحان الله33مره والحمد لله 33 مره والله اكبر33 وتميها بقول لااله الا الله وحده لاشريك له له الملك والحمد لله يحييويميت وهو على كل شي قدير..
هذه وصايه الرسول ص لأبنته فاطمه لما طلبت خادم
2 – خلي ماتناموا الا على سوره البقره
احفظيها بالتلفون بس بتناموا وشغليها
وتعرفي فواد ها السوره يكفى مابيدش بيتك الشيطان 3 ايام