بغيت اتخبركن وين المحلات اللي تأجر فساتين الاعراس في دبي والشارجه وياريت العناوين بالتفصيل
الممل طبعا الفستان مب لي لاني معرسه من زمان ولكن الفستان حق عروس اخوي وان شاالله اليوم
او باجر بنسير دبي عشان نأجر للعروس فستان للعرس وبسير انا والعروس وامي وامها وطبعا انا
ماعرف وايد في دبي :1 (7):
فلوسمحتوا يابنات قولولي وين اماكن المحلات وشو احسنهم
ومشكورات مقدما ونخدمكم في الافراح ان شاالله
اذا تبين رقمها بطرشلج ع الخاص
مرحبا أختي
أنصحج بذوق المواطنات إلي يأجرن فساتين الأعراس في بيوتهن (أو) أنج أتسيرين دور المصممين إلي في دبي شرا
عقل فقيه ، أروشي ، وليد عطا الله وغيرهم….وأرقامهم من البدالة
بس شغل المواطنات أبرك و أرخص :1 (32): لأنهن ينوعن و يعرفن ذوق بنات البلاد
عندج في دبي :
(أم عبدالله) في ند الحمر
وفساتينها بعد حلوه وأفكارها مميزة أسعارها معتدلة وهي نصوحة ومعاملتها وايد حلوة وفساتينها من مصممين معروفين
عندج في الشارجة:
(ريم) صوب حديقة الحزام الأخضر
وهي تأجر في بيتها …و فساتينها مميزة … أختيه حجزت عدها والله يأنه الفستان غااااااااااااوي وفخم ..وفساتينها من مصممين معروفين و و إلي أعرفه عنها دايما تنزل أشياء يديدة
وللأمانة وايد نصوحة و تحترم الزباين
(أم جاسم) في منطقة الخان اليديدة
فساتينها حلوة و من شهرين كانت (معظم) فساتينها من الاستايل بسيط
وهي من النوع إلي إذا كنتي أوكي معاها بتكون أوكي وياج:1 (80):
في عيمان:
(ميثا) فساتينها فخمة بس ما أظمن لج أسعارها
بس عندها ضغط فالحجوزات يعني إذا أستعيلتوا يمكن تلقون عندها حجز
إذا تبين رايي أنا و أختيه لفينا شارع الرقه بطول وعرض…. لقينا فساتين أعراس من الجيد و تحت إلا
نوااادر………وأسعارهم ما تتعدا العشرة …… بس مب هاذيك الجودة ألي عهدناها
والخيار للعرايس أولا وأخيرا:1 (32):
وأتمنى أفيد الكل
و السموحة عالإطالة:1 (80):
تحياتي .gif "12 (60)")