هلا والله بفريقنا من جديد ..هلا بفريق الرشيقات الجميلات الحلوات ..قرر الفريق وبعد التداول بالانتظام بالريجيم لمدة 20 يوم لخسارة 9 كيلو ..طبعا الخسارة بتكون متفاوتة يعني ممكن حد يخسر اكثر وممكن اقل بس هذا الشي ما بخلينا أبدا نيأس أو نوقف دايت لين نوصل للوزن المطلوب ..
السبت .
الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم )وهي
متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع
الشاهي ولا نقطة هههههه تعذيب صح ) عالعموم اللي يبي الدح مايقول أح …
الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )
العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم
كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال )
الأحد .
الأفطار . 2 بيضة مسلوقة مع شاي ( بدون سكر الا من سكر الريجيم )
الغدا . سمكة مشوية كبيرة + صحن سلطة خضراء ..
العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة
الاثنين .
الافطار . بيضة مسلوقة + برتقاله + شاي أو قهوة
الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) …
العشا . كوب حليب قليل الدسم ويفضل منزوع + شابورة ( بر )…
الثلاثاء .
الافطار . شريحة جبنة قليله الدسم + توست ( بريد بر ) + شاي أقهوة .
الغدا . نوع واحد من الفاكهة … ( أنا باكل اناناس لانه يشبع ويحرق اكثر) .
العشا . لبن قليل الدسم مع توست ( بريد بر )
الاربعاء .
الافطار 7 حبات تمر مع قهوة طبعاً مو شاي
الغدا . دجاج مشوي بدون جلد غير محدود الكمية .
العشا . (3 بيضات مسلوقات مع توست …. أنا كنت أحط البيض في المقلى من دون زيت وأقلقلة .. وأحط شوية
جبنة فيتا قليلة الدسم علشان يلينة …
الخميس .
الافطار . مفتوح
الغدا . مفتوح
العشا . مفتوح
الجمعة . .
الافطار. جبن قليل الدسم + 2/1 خبزة + عصير برتقال …
الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ….
العشا . مفتوح
[CENTER]
بس لاتخربونها وتاكلون كل مالذ وطاب
العدل ثم العدل فلاكل ]
العضوات الحلوات
أم عاشوه
68.3
أم نهيان
92.6
Dior AD
83.9
akka
56.5
نجمة راك
82
LoOveNisTa
94.9
صمت الجروح n
89
SAMAH 1
61
سنيوريتا
53.2
همس الأحبة
75.5
tarwan 2
85
ملاحظات مهمة :
1- الفريق بدأ من الأسبوع الماضي يعني يوم الأحد الماضي ولليوم صار لنا 6 أيام مستمرين بالريجيم .
2- الميزان بيكون يوم 28 -5-2017
3- اللي اتحب تنضم للفريق اطرش الوزن الي بتبدأ منه وبتنضم لنا في المجموعه الياية يعني بتاريخ 28-5-2017 لأن صعب نوقف في النص وانضم بنات لنا إلا اللي حابة تكمل من النص ما في مشكلة
4- لو سمحتوا العضوات اليديدات ما نبي أي ريجيمات من عندكم لأن نحنا نمشي على ريجيم معين وعادة ما حد يقترح شي إلا بعد الحصول على موافقة جميع العضوات .
5- أي عضوة ما بتطرش لي وزنها برسالة خاصة بعد 20 يوم بعتبرها خارج المجموعه لأن فعلا إني أيلس أدور على الاسم والوزن صفحه صفحه ياخذ وقت واااااااااااااايد خواتي ..
6- الاتزام ثم الالتزام من الجميع والتوكل على الله …وبإذن الله النزول بيكون موجود
7- إياكم واليأس وللعلم النزول بيكون نسبة وتناسب يعني مب معقولة اللي وزنها 60 تنزل شرات اللي وزنها 100 مثلا لأن الجسم يكون في دهون أقل بالإضافة لقدرة الجسم على حرق الدهون .
8- اللي اتحب أي نصيحة تراني جاهزة تراسلني على الخاص وأنا برد عليه بإذن الله من خبرتي البسيطة في هالحياة
توكلنا على الله …وبسم الله نبدأ
يارب كل وحده اتحقق هدفهآآآآ بصحه وعآآآآآفيه 
الف الحمد لله على سلامتك يا ام خالد ياقمر وهادي
وكيفكم يا أحلى جروب
جروب انتي اجمل مع الوزن الامثل
جروب الرشاقة والمحبة والاخوة
كيف الرجيم معاكم ان شاءالله كله تمام
يلا هانت كلهم كام يوم و بيخلصو العشرين
.gif "55 (11)")
سوري ام خالد بس احنا بدينا الاحد مو السبت يعني الميزان حيكون يوم 28
.gif "55 (9)")
.gif "12 (5)")
المهم إن شاءالله نوصل لهدف الي نباه يارب