قبل كنت مشتركة في المدونة باسم غريبة الدار ووعدت انه ابتدي وياكم رييجيم كل يوم بيومه واختفيت فجاة
صارتلي ظروف غصبن عني وقطعت المدونة والحمدلله كل شي عدا على خير
اليوم يايتنكم وكلي حماس وخاطري اوفي بوعدي جدام ربي عشان ما اتحاسب باجر عليه
وثم ابا السموحة من اي وحدة ارتفع ظغطها بسبتي ههههههه سوري
شو رايكم نبتدي ريجيم من تاريخ 25 ابريل 2024 لين تاريخ 31 اغسطس 2024<<<< حاطة التواريخ لغرض في نفس يعقوب , احم خاطري ارد لاهلي من الغربة هالمرة غير كل مرة اقول برد ظعيفووونة بس ارد بالووونة للاسف
ان شاء الله ان شاء الله هالمرة ناويتها ناويتها
خواتي طولت عليكم ادري ( الاخت شو فيها كتبت قصة حياتها )خخخخخخخخخخخخخخخ
اذا الله راد هذا النظام الي ناوية امشي عليه بالتواريخ :
24 /4 لين 28 /4 <<<<< نظام الخمس ايام ( معروف بالوجبة كل ساعتين) عشان يزيد الحرق فينا
29 /4 <<<<< بريييك
30 /4 لين 13 /5 <<<< ريجيم رمضان ( علي كمن دين لازم اصومهم و الي وفت دينها يا تاخذ بريك او تسوي اي ريجيم هي خاطرها فيه )
14 /5 <<<<<< بريك
15 /5 لين 30 /8 <<<<<< ريجيم دكتور نيووترشن
بالنسبة لايام البريك مع دكتور نيوترشن اخر يوم في الدايت تاخذين العشا بريك يعني مثال
اليوم السابع التزمتي بالريوق والغدا وكل السناكس لما تييين على العشا تاخذين بريك تاكلين الي ف خاطرج ونصيحتي بعدها شربي ميغا تي ولا اي شاي تحسين انه يوالمج ويحرق اللي كلتييه
اذا ربي قدرني ان شاء الله بحط الجدول اليومي + الصور في المدونة بالليل بتوقيت استراليا يعني عندكم بيكون اظني المغرب او العشا
بتجدمكم انا بيوم عشان فارق الوقت
ببتدي باذن الله تاريخ 24 ابريل وبخلص تاريخ 30 اغسطس
و انتوا باذن الله انتوا بتبدوون 25 ابريل وبتخلصون 31 اغسطس ( قبل العيد بيوم)
ويوم بتي حزة رمضان بنزل ريجيم نيوترشن الي بيعطيني اياه في رمضان
يلا بنات بسنا والله بسنا من المتن خلاص احس عمري 70 سنة
منووو وياي؟؟
المشاركة الأصلية كتبت بواسطة مندوبة رينوار 
خلاص الغالية حياج وخلنا نشد الهمة 
وان شاء الله ترجعين البلاد وانتي رشيقه