شحالكم خواتي
ولدي عمره 7 شهور ومن يوم يبته وأنا أقمطه وقت الرقاد
وايد بهدلني فسالفة الرقاد بس الحمدلله الحين أحسن
خايفه يتعود عالقماط وما يقدر يرقد بدونه
أنا أقدر أرقده بدون قماط بس يوم أحطه فالسرير على أقل حركه ينش يعني ما يآخذ 10 دقايق ربع ساعه وينش
شو أسوي سااااااعدوني
أختي هنودة 1
عندي طريقة حلوه , يبي لحاف ناعم مال الاطفال ولفي ولدج فيه وهزيه على الخفيف لين ما ينام ,خليه في حضنج ربع ساعة على الاقل , علشان يحس بالامان
تعرفين ان انا عيالي ما يطيعون يتقمطون مول بالغصب اقمطهم … بس اربع شهور عقب اعودهم ينامون من غير قماط…
واتمني اني ساعدتج …
والسموحة ( اختج بنت الأثر )
^^
لكن لا تعودي ولدج على الهز و الرقاد معاج
لانه بيتعود عليها مثلما تعود على القماط و بيلعوزج اكثر جي
نحن ولد اخوي بما انه اول بيبي له واخر عنقودنا عمرها 8 سنوات يعني عيوز خلاص
يعني البيبي دلوع الكل فعودوه على الشيل و الهز الحين ما يرقد الا بحير امه او حيري
ولازم نحضنه ونهزه ولا ما شي رقاد قاعدين نحاول نصلح الغلطة
ادعو لنا
حده القماط 6 شهور وخلاص الياهل يبا ينجلب على ينبه يرقد اريح له
يبي قماط شربت او شيله البيت المهم كبيره لفيه فالبدايه بدووون خيط
واربطي ريوله بس خفيف باطرف الشيله او القماط جيه ولا جيه بيفجه
وبيرد يرقد الظهر حاولى ماترقدينه بقماط طبعا مب مره وحده تعقينه لا ادرجي
ويااها او شي لفيه واربطي ريوله عقب كم يووم لا بس لفيه بس بقووو شوي
بعد فتره بس لفه خييفه عقب خلاص بيتعود بس اذا رقاده خيف الله يعينج ولا تعودينه
ع الهز اكبر غلطه نسويها اونا نباهم يرقدون بسرعه ونخضهم لين ماتختض جبودهم
