عساكم بخير وعافيه
اليوم بعرض لكم مجسم عبارة عن علبة توزيعات بمناسبة اليوم الوطني
يتني اختي الصغيرة وقالت تبي شي تسويه لليوم الوطني
ويعني شرحت لي الي بخاطرهاا
وقالت تبي سلة تحط فيهاا بطايق وتوزعهاا على المعلمات
اناا فكرة اسوي لهاا شي بس مو سله علشان ما تكون فكرة تقليدية وتكون مميزة وغير عن الكل
وييت وفكرة اني اييب علبة واخلي غطاهاا مفتوح ع جنب وازينهاا واكشخهاا واحط لهاا فيهاا اوراق الفهآآ واوسويهاا ع شكل رسالة وجي
وطبعاً لانهاا تباه بسرعه واناا حبيت اني اشتغل من الخاطر ييت وجمعت كل شي بحتاجه
حست في المكاتب الي قرب منطقتناا ما لقيت الي ابيه
ييت وخذت علبة هالكرتون الي تعرفونهاا نحن فالبيت مستخدمينهااا للقبضات مالت خواتي خذتهاا منهم اوكي
ورحت الخياط يبت قماش يشبه التور ورح تشوفونه فالصور
وكان عندي قبضه عليهاا كرستالات بألوان العلم وما نلبسهاا خذت الكرستالات واستخدمتهاا
وشريت من المكتبة الزين الصغيره الي بألوان العلم
وشريت شريطه لون ذهبي وكم ورده صتاعيه وللأسف ما لقيت غير الي رح تشوفونه مستخدم فالصور
وجابلت العلبه وبديت اشتغل عليهاا
وبالأخير طلع لي الي بتشوفونه فالصور
اتمنى يعجبكم
صورة للغطى من قريب
وهني صورة الغطى من الداخل زينته شوي علشان يبان حلو
وداخل العلبه نثرت ورد مجفف وهالخيوط الي تشبة عش العصفور
وحطيت الأوراق ولفيتهاا بطريقه مثل ما هيه مبنه فالصور
وبسس
ان شاء الله تغليفي عجبكم
رايكم وانتقاداتكم تهمني
ولاتنسون اني سويته بسرعه والأغراض الي ابيهاا ما حصلتهاا
وادري انه الورد عنقااش خخخخخ والتور لونه ما ادري محتاره منه
المهم هذا الي طلع لي
منور
^_^
اتخبلت على حركة البوكس /كيف الغطا مفتوحة و مركبة/
مبدعة ما شاء الله عليج
و ترا الابداع ان كيف تنتجين لوحة من ادوات بسيطة
الله يحفظج و يحفظج اختج
المشاركة الأصلية كتبت بواسطة مناكير فوشية 
اتخبلت على حركة البوكس /كيف الغطا مفتوحة و مركبة/
مبدعة ما شاء الله عليج
و ترا الابداع ان كيف تنتجين لوحة من ادوات بسيطة
الله يحفظج و يحفظج اختج
تسلمين حبيبتي
والله رفعتي معنوياتي فديتج
اناا احب اشتغل واسوي اشغال يدوية وأخترع شغلات خاصه فيني وتفيدني
والفكرة يت فبالي وقلت لازم انفذهاا والحمد الله طلعت حلو
تسلمين الغلا على الطله الحلوة
ربي يسعدج وينور حياتج
كل الود