أعاني من سوء تنظيف الغسالة مع انها LG
هي من النوع اللي تتعبا من فوق وأحطي للغسيل صابون معقول
اللي يصير
انه مرات تطلع الثياب مبقعه بالصابون مع اني ماحطي الكمية المطلوبة يعني نص كوب أو ثلاث ارباع بس
استخدمت وياهم كلوركس ملون ماشي فايدة
استخدمت كومفورت عشان الريحة قام يبقع ببعض الثياب حتى عند زوجي كندورة يديدة بقعت وعقيناها
وبنطلوني بعد بقع ومشيت الحال وياه
ثياب عيالي الداخلية كلها مبقعة واذا فيها وسخ احس تخلي مكانه بقعه………. تعقدت من البقع والله
كاتبة موضوع قبل عنها عشان أعرف كيف نظامها وهذي الصور
شو السالفة اللي اعرفه انه الاوتوماتيك مريحه بس اشوف النوع الجديم وايد احسن بالتنظيف
انتوا كيف تغسلون الثياب وبأي صابون
كنا نستخدم اومو ومن يومين بديت بآيريال
منو يحل هالمشكلة والله يجزيكم كل خير
عقب حطي الملابس في الغساله …
أما بخصوص الكومفورت ( يبقع الملابس إذا كنتي تحطين على الملابس مباشرة ) …
من يخلص مدة الغسيل ويبدأ الماي ينزل على الملابس ( شطف الملابس واللي تكون المرحله الثانية ) .. من يتعبأ الماي ويدور الملابس إهنيه صبي شوية كومفورت مخلوط ويالماي وصبي فوق الملابس …
أنا عن نفسي ما أستخدم الكومفورت أستخدم نوع ثاني ..
وإن شاء الله أكون أفدتج ….
لأني أنا أعبي الكومفرت في مكانه المخصص في الغاسالة بحيث إنه يوم تخلص غسيل من الصابون أتوماتيكي تغسل الثياب بالكومفرت …
المشاركة الأصلية كتبت بواسطة لوليانو 
عقب حطي الملابس في الغساله …
الغالية كيف أعبيها ماي أول؟
لازم نحطي الثياب والصابون بمكانه هو والكمفورت أو الكلوركس وبعدين نشغلها بروحها تصب الماي وتغسل ووووووو لين ماتخلص
أما بخصوص الكومفورت ( يبقع الملابس إذا كنتي تحطين على الملابس مباشرة ) …
الكمفورت أحطه بمكانه حذال الصابون وحتى ماكثر منه بس وانا اصك الغطاء لازم ينزل منه واللي يطيح عليه يبقعه!!
وهذا شكل المكان الخاص فيهم
من يخلص مدة الغسيل ويبدأ الماي ينزل على الملابس ( شطف الملابس واللي تكون المرحله الثانية ) .. من يتعبأ الماي ويدور الملابس إهنيه صبي شوية كومفورت مخلوط ويالماي وصبي فوق الملابس …
أنا عن نفسي ما أستخدم الكومفورت أستخدم نوع ثاني ..
الغالية شو تستخدمين؟
وخاصة للبقع ماعرفت شو اللي يخوزها؟
وإن شاء الله أكون أفدتج ….
مشكورة حبيبتي ماقصرتي بس ياريت تردين على أسئلتي
والله يجزيج كل خير
المشاركة الأصلية كتبت بواسطة الشوووخ لأني أنا أعبي الكومفرت في مكانه المخصص في الغاسالة بحيث إنه يوم تخلص غسيل من الصابون أتوماتيكي تغسل الثياب بالكومفرت …
أهااااااااااا
زين حصلت حد مثلي!!
أسوي مثلج يالغالية بس مادري ليش يصير جذيه المفروض ينزل بعدين وقت الشطف
وخاصة انها تكون مستمرة بالغسل ماندري متى نحطه؟
ان شاءالله حد يفيدنا
انا عندي غساله اتوماتيك بس مب ال جي
غسالتي سامسونق وتتعبا من جدام
و واااااااااااااااااايد مريحة وتنضف عدلللل وماتبقع
عادي احط الصابون والكومفورت وانسى كل ي لين تخلص بس يبقالي انشر الغسيل
بس مرة سوت بي هالحركة (تمت بقايا صابون بالملابس ) لاني خليت المود على غسيل يدوي وسويت عدد الشطفات وحده بس
بس اذا استخدمت اي مود ثاني تغسل عااادي وتنظف زين
المهم انتي شوفي غسالتج اذا فيها اكثر عن مود او شوفي الت wash power !!!
او حاولي تخلينها تشطفهم اكثر عن مره (زيدي عدد الشطفات)
او زيدي درجة حرارة الماي
جربي الغاليه اكثر عن شي لانه ال جي معروفه انها زينه
وترى احلى شي في غسالة سامسونج انه فيها اكثر عن مود (غسيل سريع – غسيل رقيق – غسيل يدوي – ملابس ملونة – صوف – قطن – ملابس بيضاء – حمولة منوعه) والاحلى انها بالعربي
وسمحيلي طولت عليج