عدنا إليكم من جديد " حمل السكريات " للصحة

مرحبا .. يا حلوات

رجعت الكم من بعد غيبة .. بأخبار حلوه وادور مكاني بأي تجمع راح أكون .. لله الحمد والمنه حملت والله يتمم لي على خير يارب ويسهل علي حملي خصوصا مع مرض السكري صح متعب ويباله مداراه وتحمل بس في الاخير ان شاء الله ربنا يتمم النا على خير ..

حبيت اعرف منو عندها تجربة مع ( السكر والحمل ) يعني نستفيد من بعض ونفيد
قبل كنت اراجع في مستشفى لطيفة .. بس حاليا بديت في راك الخاص وايد ارتاح الهم

موعد ولادتي المتوقع حسب راي الدكتورة في شهر يناير /2016

مرحبا اختي تقريبا انتي ف الشهر الثالث صح ؟ انا حملت ف عيالي الاثنين وكان عندي سكر الصراحه كان يرتفع بزياده بس مارضيت اخذ الحبوب و لا البر و ظليت على هالحال لين الولاده الصراحه انا ما افتكر فالسكر وقت الحمل مع انه الكل بيقولج لازم تهتمين وعيالي الحمدالله مافيهم سكر و وزنهم طبيعي

للعلم انا حاليا حامل وموعد ولادتي المتوقع شهر ١٢ بس مب مهتمه ف فحوصات ولاغيره ماشيه على نظامي ف كل حمل اروح الموعد قبل الولاده ف شهرين ويحولوني على طول المستشفى واروح وقت الولاده

هلا اختي ام مريوم .. الله يعطيج العافية يارب ويسهل لج كل امورج
انا يا اختي من النوع الخواف يعني في حملي الاول مشيت على كل حرف يقولونه لي لا يسار ولا يمين عاد كان حمل من عقب 22 سنه زواج (اول حمل ) والحمدلله رب العالمين ارزقني بنوته كملت قريب السنتين ..
ومشيت على كورس علاج والحمدلله بالتحاليل بين الحمل وعلى طول حولوني على الانسولين
حاليا تقولي الدكتورة حجم الكيس صغير ومافي نبض بنصبر بعدنا اسبوعين وبنشوف ,,,
مع اني كملت 7 اسابيع وها الشيء وايد شاغل بالي
واقول وكلت امري لله ..

الله يتمم لكم على خير
وتجوفون الضنى بين يديكم سالم معافى