قبل فترة كنت أعاني من مشكلة في البيت , أبوية من النوع أللي يشتري وايد فواكه بس للأسف أن محد عدنا ياكل فواكه , وماعدنا أهل في العين و محد يزورنا إلا في السنة مرة , و للأسف أن الفواكه تخترب و نفرهم في الزبالة .
و خطرت في بالي فكرة وااااااااايد حلوة … كيف نستفيد من هالفواكه ؟؟؟؟
أول ماتيبين الفواكه البيت , غسليهم ونشفيهم من الماي و حطيهم في سلة حلوة .
وقدميها للضيوف على الفوالة , بتم الفواكه عندج يومين تقريبا , اليوم الثالث بتبدأ الفواكه تصير لينه و عشان تستفيدين منهن , سوي ( فروت سلط ) سلطة فواكه .
قطعي الفواكه بطريقة حلوة و نضيقة و ضيفي على سلطة الفواكه عصرة برتقال عشان يتم فرشش و قدميه لأفراد أسرتج و لزوجك , بعد الغدا مثلا أو العصر و أنتي تتابعين برنامجك المفضل .
أو بإمكانج بعد أنج تسوين عصير فواكه ( كوكتيل )
وتسلم إيدج .
وهذي هي الطريقة المثلي للإستفادة من الفواكه