خواتي طلبتكن ضروري اللي تعرف عن مستشفى او مركز للعلاج الطبيعي بدبي اتخبرني اسرع وقت
ماعندي فكره او خلفيه عن المراكز والدكاتره المتميزين للعلاج الطببيعي .. واباه حق الوالد اللي يعاني من الشلل اذا تذكرون موضوعي قبل سنتين تقريبا
ضروري يكمل علاجه الطبيعي والمشكله مب عارفين افضل مركز وخبره متميزه جدا حتى لو كان غالي غالي مب مشكله ان شاء الله .. مهم جدا دكاتره اكفاء وثابتين وكادر كفو جدا وخدمتهم العلاجيه قويه جدا
ياريت الردود السريعه واسالو اهاليكم واخوانكم وربيعاتكن عالمسجات والبلاكبيري وضروري ان حد اتعالج عندهم وخلهم يخبرونكم كيف علاجهم والدكتور وكيف صارت النتيجه وكم المده للعلاج 
ياريت تسارعون في عمل الخير واعتبروه هذا ابوكم .. وربي يفرج هم كل شخص سال واجتهد لهالموضوع ويوسع في رزقه ويبعد عنه الديون ويبارك في اهله وذرياته ومن احبه ويغفر له جميع ذنوبه ويهديه يارب ويحسن خاتمته
اترياكم حبايبي وياريت ترفعون الموضوع وتسالون بارك الله فيكم 