طلب الصوره بعد الخطبه .. جديد

مراحب اخواتي ..

انا مخطوبه من شهر و طبعا خطيبي شافني النظره الشرعيه بس تعرفون عائلتي واايد متشدده

فشافني ثواني يمكن 10 ثواني و خلوه يروح المهم امه يت امس عند امايا و طلبت صورتي

علما بان الملجه راح اتكون فالشتاء ان شاء الله فانا محتاره هالشىء من حقه ولا مب من حقه

فابي اعرف راي اخواتي المتزوجات و غير المتزوجات اعطيه ولا لا ..

اختكم

اذا ماشافج عدل تقدر امه تاخذ صورتج وتراويه و عقب ترده ماتخلييه عنده

انا هذا راي الغلا

اسومه يعني عادي يطلبها مب عيب

و مشكوره حبيبتي على رايج و الرد و انتظر راي باقي اخواتي ..

اذا هو يبغي يشوفج ايي مرة ثانية كزيارة عادية مع اهله وراح يشوفج مايباله صورة وما صورة…هذا راي

اخواتي المشكله عيب عندنا ايي يشوفني في الخطووبه

ما يروم يشوفني الى عقب الملجه ..

عاداتنا جيه

مادري يا ختي نحن في عايلتنا عاادي

يعني حقه يشوفج عدل وبعدين انتي بطرشين صوره وانتي متحجبه و ع طووول يردونها لكم

وين الغلط غناتي؟؟!!

صح طرشيله صوره متحجبه ويا امه وعقب خل ترجعها من حقه الغاليه ومب عيب يمكن ما شاافج عدل ..
الله يوفجج حبوبه