طلبتكم ابي تجاربكم كيف علمتوا عيالكم يتركون البامبرز لعشاق السياحة

اناولدي جريب بيكمل الثلاث سنين اتمنى اتفيدوني بتجاربكم

ممممممممممممم 3 سنين ويلبس بامبرز ,, انا ولدي بعده ما كمل سنتين وابغيه يودر البامبرز ههههههههههه احينه فكرت اخذله ميلسه في المرحاض ,, بس ما اعرف اذا بيتقبل والا لا ,,, بس بخلي البشكاره تساعدني ,, فديته يعلني ما خلى منه يا رب

انا مثلج كنت شاله هم بنتي في نفس عمر ولدج
بس شوي شوي اتعودت واقولها انتي كبيره والكبير لازم يروح الحمام ويعق البامبرز

الله يخليه لج يا رب وبجرب اشتري له الميلسه مشكوره ع المشاركه

اوعدج اطبق الكلام اللي قلتيه وان شاء الله يسمع الرمسه وببشركم بالنتايج والله يخليلج ولدج

ازمه وتعدي ^.^
تكونين شايله هم كبيييير ومب متخيله كيف بيتعودون ,, بس سبحان الله مع الايام يتعودون …
خذيله طبعا الميلسه ويكون عليها رسوم يحبه .. ف مذركير بتحصلينها …
وحطيها ف الصاله او اي مكان دوم تيلسون فيه ,, وعلميه كيف ييلس عليها ,, خليها شي اعتيادي دوم يشوفه ..
وبعدين شليها الحمام كرمتي وقوليله اهنه تسوي .. وانت خلاص صرت كبير .. وكثري المديح ههههههههه والرمسه الزينه وقولي قصص .. شغلي مخيلتج هههههههههههههه
دخلي وياه الحمام كرمتي ويلسي وياه ,, حتى لو تكملين نص ساعه …
وطبعا مثل ما قالوا الاخوات ,, كل شوي اسأليه .. تبا تسوي ..
وحطي ف بالج الاوقات اللي ممكن يسوي فيها ,, بعد ما يشرب شي وبعد الوجبات …
وإذا سوالج اياها برع حاولي تمسكين نفسج واتعودي ههههههههههههه كل يوم بتنظفين مب مشكله ..
بس بينيله انه شي مب زين ومب حلو واخييييييي ريحتك صارت مب حلوه ..

ان شاء الله بيتعود مع الايام ..
المسأله يبالها صبر وطولة بال وتحمل هههههههههههه <<<< داشه حرب ^.^