طريقتي في عمل الروبيان الناشف طبق اماراتي

هلا و غلا خواتي،
اليوم قلت بحطلكم طريقتي في عمل الروبيان الناشف اللي اتعلمتها من الوالدة الله يحفظها بس عدلت فيها شوي،،
المقادير: كيس روبيان(أنا أفضل الجاهز لأنه أسهل لي في التنظيف مع إن الطازج أكيد أفضل)، 2 بصل مقطع، 3 ملاعق أكل معجون طماطم، 1 فلفل أخضر حار، زيت نباتي، بهارات مشكله حسب الرغبه، 1 ليمون، كزبرة و بقدونس و أعشاب عطريه مجففه، 3 أكواب ماي(كمية الماي حسب الحاجة)،،
الطريقة نغسل الروبيان و نشفه من الماي و نرش عليه ملح و شوية زنجبيل و كركم و نعصر عليه حبة الليمون(عشان نشيل ريحة الزفر) و نغطيه و نتركه لمدة من ساعه – ساعتين، بعدين انحط القلايه على النار و نسخن الزيت و عقب نبدأ انقلي الروبيان حتى يتحمر شوي و بعدين انطلعه و انحطه على ورق النشاف.
الحين انحط الجدر على النار و نحط فيه البصل و الفلفل و نصب عليهم شوية زيت، و بعدين نرش البهارات و البقدونس و الأعشاب العطريه و معجون الطماطم( بالنسبه للملح اتأكدي من طعم الروبان بعد القلي إذا يحتاج ملح و الا لأ لأنا كنا حاطين عليه ملح في البدايه)، و بعدين انضيف الروبيان المقلي و نخلطه و نصب عليه الماي و نغطية حتي يتنشف.
و الحين الصور: