مرحبا خواتي اليوم يبت لكم طريقة عمل الكيما وهاذي المعتمده عندي والحمدلله الكل يمدحها وسهلة وسويت معاها البراتا طبعا ما انساها
طبعا المقادير مو لازم تتقيدي بالكمية الكمية اللي انتي تبيها انا اسوي وااايد بصرحة
المقادير :-
لحمة مفرومة
زيت او سمن
بصلتين مقطع شرايح
فصين ثوم مدقوق
بقدونس مفروم
ملعقه زنجبيل طازج مدقوقه
فلفل اخضر حار طازج
وفلفل رومي "بارد"
اربع حبات طماطم مقشرة ومفرومة
فنجان صلصة طماطم
خضروات مثلجة
نسيت انخي كوب نخي^حمص^
وهاذي البهارات:-
نصف ملعقة فلفل احمر حار
نصف ملعقه كمون
ملعقه صغيره كركم
نصف ملعقة بهارات مشكلة
زنجبيل مطحون
لحم مفروم انا اللحم احطه في ماي واحطه على النار وخليه ينضى
وهاذي الخظروات المثلج
ايب جدر "طنجرة" واحط زيت واشغل النار واحط البصل وحركه لين ما يصير لونه ذهبي فاتح
وبعد ما يصير البصل لونه ذهبي اضع اللحم المفروم مثل اللي بالصورة
واحركه عدل لين ما تحسي انه تغير لونه شوي
وبعدها حطي البهارات كلها والثوم "الثوم على حسب تحطي مع البصل وولا مع البهارت"
وبعدها نضع الطماط والخضروات والفلفل والبقدونس
ونرحركه شوي ونضع صلصل الطماطم
ونضع كوب ماي ونصكر على الجدر ونقصر عليه نخله 15 دقيقة على نار هادية ولا نحركه ونخليه لين ما تنشف الكيما
وتصير مثل اللي بالصور ونضع انخي ونحركه
وطبعا ما ننسى البراتا
انا كاتبه طريقتها في المنتدي وهذا الرابط
https://forum.uaewomen.net/showthread.php?t=473950
وما ننسا اليمون وبالعافية على قلوبكم
طبعا هذي طريقتي دوم اسويها ووايد حلوة الطريقة وسهلة
زين لحقت اصور الصحن
ودعواتكم لي ولعيالي بالصحة والعافية
ام راشد
تريوني
