مرحبا خواتي
شحالكم؟؟
حبيت اعرض لكم طريقتي في العنايه باليدين و القدمين و الركبتين و الكوعين
***
***
طريقتي مب سحريه ولا شي بس انا احس انها فعاله مع الاستمرار و حبيت افيدكم فيها
***
انا ايدي وايد حساسه من الشمس و بسرعه تسود
و اعاني كل مره كيف ارد لونها الطبيعي
لين ما حصلت طريقه طبيعيه للعنايه باليديدن اللي خففت وايد من سواد ايدي.
و اعاني كل مره كيف ارد لونها الطبيعي
لين ما حصلت طريقه طبيعيه للعنايه باليديدن اللي خففت وايد من سواد ايدي.
اوكي ندخل لصلب الموضوع
نبدأ بالاغراض اللي احتاجها عشان اطبق روتين العنايه
.gif "12 (11)")
::نحتاج الى::
جلسرين سائل
كريم جليسوليد الاصلي
كريم لليدين اللي ترتاحين له (حاليا استخدم كريم هيرباسن بالبانزج و الجلسرين لانه يفتح مع الاستمرار)
او ممكن استخدام اي كريم مبيض لنتيجه اسرع.
***
او ممكن استخدام اي كريم مبيض لنتيجه اسرع.
***
زيت زيتون (ممكن استبداله بزيت اللوز او الزيت المفضل عندج)
ملح
ليمون
***
***
حجر لدعك الكعبين (انا استخدم الحجر الاسباني اللي يستخدمونه المغربيات)
***
***
غرشه (عبوه) صغيره فاضيه
***
الحين نيي للشي المميز في طريقتي .gif "12 (101)")
و هي استخدام الاشياء التاليه
و هي استخدام الاشياء التاليه
قفاز قطن (من دايسو او بودي شرب)
قفاز بلاستيك (متوفر في الجمعيات)
***
قفاز بلاستيك (متوفر في الجمعيات)
***
نايلون شفاف (اللي يستخدم لتغطيه الاكل)
***
***
ذلاقات (جوارب)
***
***
ضمادات للركبتين و الكوعين (من دايسو مثل الصوره او من الصيدليه)
***
***
::الطريقه::
اولا: نييب نصف ليمونه و نحط عليها ملح و نبدأ بدعك اليدين و القدمين و الركبتين و الكوعين
(الليمون يقوم بتقشير الجلد الميت و يبيض مع الاستمرار و الملح عشان يقشر الجلد الميت و غير انه مطهر طبيعي)
و تدعكين بالحجر الكعبين عشان الجلد الميت (لاتدعكين بقوه لانه بالعكس بيزيد التشققات)
ثانيا: نييب زيت الزيتون و و ندعك فوق الليمون و الملح عشان يعطي نعومه ممكن الاستغناء عن هالخطوه.
ثالثا: تغسلين الاماكن اللي دعكتيها بماي فاتر و تيبيين والمنشفه و بكل رقه طبطبي على بشرتج
نباج اتكون رقيقه و ادلعين بشرتج اوكي!! .gif "12 (43)")
ما نبا دفاشه.gif "12 (32)")
ما نبا دفاشه
(خطوه التقشير اللي فوق انسويها 3 مرات في الاسبوع فقط و الخطوات القادمه يوميا لافضل النتايج)
رابعا: في العبوه الفاضيه تحطين شويه جلسرين سائل و عصير نص ليمونه و تخضينها و بعدين باستخدم قطنه تمسحين اليدين و الكوعين و الركبتين و القدمين بهالمحلول (السموحه منكن ما لحقت اصفي الليمون من الحب)
خامسا: نضع الجلوسوليد و كريم اليد طبقه سميكه على الاماكن المذكوره سابقا.
نييب النايلون الشفاف و نلف القدمين و نلبس فوقه الذلاقات (الجوارب) عشان يمسك النايلون في مكانه بجيه تعرق الريول و تستفيد من الكريم.
و نفس الشي نلف النايلون على الركبه و الكوعين و نلبس فوقه الضمادات اللي في الصوره فوق عشان تثبت في مكانها.
و اخيرا نحط الكريم على اليدين و نلبس القفاز النايلون و نطلع الهواء اللي داخله بحيث ان القفاز يكون لاصق باليدين عشان تعرق و تلبسن اخيرا القفاز القطني.
و جيه انتهينا من الطريقه
لازم اتخلين الكريم عليج لمده ساعتين او طول الليل مثل ما تحبين.
انا احط حق ريولي و ايدي طول الليل بس الركبتين و الكوعين اي وقت اكون فيه فاضيه و ريلي في الدوام.
::النتيجه::
من اول مره بتحسين بنعومه مب طبيعيه
و مع الاستمرار ان شاء الله بتفتح الاماكن هاي
(بس لازم العنايه و الاستمرار)
(بس لازم العنايه و الاستمرار)
همـــسه
مافي شي له مفعول سحري بس البنت يوم تهتم يبين عليها الاهتمام
.gif "12 (7)")
(الموضوع مجهود شخصي اتمنى عجبكم)
مشكووووووووره
طريقتج حلوه و اهم شي الاستمرار
الله يعطيج العافية على مجهودج والطريقة حلوة وطبيعية
مشكوووووووره الغلا ماقصرتي
وبنجرب شو ورانا
ماشاء الله عليج
طريقه حلوه واحس نتايجها احلى
تسلمين الغلا على المجهوود الرائع
ماشاء الله عليج .. وع التقرير الروووعة .. بنسبة لللملح واليمون قد جربتها وصدقج ..
واكيد كل اللي قلتية مية بالمية صح لانة كريمات معروفة ..
يزاج خير .
ونتريا يديدج …
^.^
والله يحقق اللي في بالج ومايمر هشهر الا بحملج وتفرحين يارب يا كريم ..
ما شاء الله شئ حلو
ان شاء الله نلقى وقت ونجرب…يزاااج الله خير ع الطريقة…
ان شاء الله نلقى وقت ونجرب…يزاااج الله خير ع الطريقة…