هلا خواتي
اشحالكم؟
بغيت اسألكم بخصوص المسك
اشتريه من عند عبد الصمد القرشي تنصحوني ولا؟؟؟
انا قريت موضوع عنه بس ماادري وين راح الموضوع
المهم بغيت اعرف كيف طريقة استخدام المسك
وهل نستخدمه بعد انتهاء الدورة على طول
والسموحه منكم
ان شاء الله يردون علي
فيه عند عبدالصمد القرشي مسك خاص بالعروس سائل ابيض
اطلبيه منه تولته بــ 200 ريال خذي ربع اونص مثل ماتحبين
هو اللي مقصود بطهارة المنطقه الحساسه
وطريقة استخدامه
بعد ماتخلصين الدوره الشهريه تغتسلين منها عادي بالماي
ماتستخدمين الصابون العادي لانه ينشف المنطقه ويلهبها تغسلين
افضل شيء بماء دافيء وتحطين عليه شوي ملح الملح مطهر طبيعي
وعقبها تنشفين المنطقه بمحارم ورقيه نظيفه ثم تجيبين قطنه صغيره
تحطين فيها مسك وتمسحين المنطقه الحساسه من الامام للخلف
في اتجاه واحد فقط وترمينها ؛؛
وتستخدمين وحده ثانيه تحطين فيها مسك وتدخلينها داخل المهبل
تتحملينبها بعد ماتكوني مسحتي المنطقه داخليا وخارجيا بالمسك
وتخلين التحميله حق ساعه وتطلعينها وراااح تشوفين وشلون المنطقه
تنظف وتلق بالنظافه والريحه الزينه وممكن تستخدمين طهور المسك
كل شهر بعد الدوره او كل اسبوعين بس لا تكثرين وسلامتك ؛؛
اتمنا اكون افدتك الغلا
وامانتك اختي الدعوه انه ربي يرزقني الزوج الصالح ؛؛