هذي الوصفة اخذتها من موقع الشباب اللي في امريكا اللي جابته مس شيف مشكورة
ميزة الوصفة انه مالها مقادير معينة يعني حسب ماتحبي تعمليها تبغي الخضار كثير كثري تبغي الخضار قليل قلليها مافي مشكلة كله حسب الرغبة
اول شيء بعد ماتغسلي الدجاج وتنظفيه وتقصقصيه تمام
جيبي اي خضار عندك
بطاطس
جزر
فلفل رومي
بصل
وقطعيها حلقات
بطني صينية بالقصدير علشان ماتحوسي في غسلها بعدين
صبي الزيت
رصي قطع الدجاج
بعدين حطي الخضار
واخلطي البهارات اللي عندك (ملح وفلفل احمر، كاري، كزبرة ناشفة، كمون) اي بهارات انا حطيت شوي من الكرام مسالا
حطي البهارات على الدجاج وادعكيها بها علشان تتوزع على كل جهات الدجاجة طبعا الدجاج اهم من الخضار من حيث انه يتبهر
بعد ماخلاص رصيتي الدجاج وضبطتي المواضيع وصارت الصينية تمام
غطيها بالقصدير
دخليها الفرن وخليها حق ساعة او ساعة ونصف حسب يعني كل شوي شيكي عليها وشوفيها استوت ولا لا
اخذت معايا ساعة ونصف علشان فرننا كبير فضاعت الحرارة فيه المهم لا تنزليها الا لما تلقيها استوت ولا تخافوا ماراح تحترق لأن الدجاج راح ينزل ماء بس لا تخلوا الحرارة عالية يعني وسط بعد ماتستوي
تتقدم مع الرز الابيض او ممكن تأكلوها بالخبز عادي
وبالعافية مقدما
