شحالكم ؟
انا مستجدة في جامعة الامارات ، و تخصصي هندسة ، و ابغي احول علوم انسانية ان شاء الله .
لفلاتي:
Level 1 E
Level 2 Math
Level 1 IT
Level 1 Arabic
عندي بعض الاسئلة ابغي الاجابة عليها بليز .
1-اذا خلصت هالكورس رياضيات ان شاء الله ، كيف اعرف مواد التخصص اللي بدرسها وكيف اسجل و متى ؟
2-انا ما ابغي كلية الهندسة ، و ابغي احول ، سمعت انه التحويل بعد ما اخلص الاجرو ، ما يصير احول قبل ؟ و كيف اقدر احول يعني اقول لمنو ؟
3-وبالنسبة للانجليزي انا ابغي اخلص الاقرو هالسنة ، يصير آخذ لفل3 الانجليزي في الصيف ولا ما يصير ؟
و بس
اذا تذكرت شيء ثاني بقولكن^^
مستجدتكم
جتيلة الروح
اممم عادي خذي فكر ولا مجتمع يعني متطلبات ويا اي كليه ^^2-
انا ما ابغي كلية الهندسة ، و ابغي احول ، سمعت انه التحويل بعد ما اخلص الاجرو ، ما يصير احول قبل ؟ و كيف اقدر احول يعني اقول لمنو ؟ هييه بعد ماتخلصيين الاوقرو تقدرين تحوليين هاللي سمعته ^^
3-وبالنسبة للانجليزي انا ابغي اخلص الاقرو هالسنة ، يصير آخذ لفل3 الانجليزي في الصيف ولا ما يصير ؟
امم ظنتي مايعطووون انجليزي ف الصييف اللي للراسبااات وانتي اذا تحسين عمرج شاطره ف الانجليزي امتحني ايلتس ف الصيف وجييه بتكونين معديه الانجليزي بدون ماتدرسين لفل 3 اي سواال انا حااضره ^^
ذكرتيني بأيام الجامعة
و ايام التحويل
فديتج .. روحي كليتج وخذي خطة تخصصج عسب تعرفين المساقات اللي بتاخذينهاا
اما اذا بس خلصتي ماث .. عندج تاخذين فكر اسلامي ومجتمع .. وجان تبين تاخذين متطلب ثاني خذي .. بس ما بيعطوج اكثر عن 4 مساقات لانج اوجروو ..و االتسجيل بيفتح ع نهاية شهر 11 تقريبا .. بتسمعين حشرة والبنات يسجلن و و و بتعرفين
2-انا ما ابغي كلية الهندسة ، و ابغي احول ، سمعت انه التحويل بعد ما اخلص الاجرو ، ما يصير احول قبل ؟ و كيف اقدر احول يعني اقول لمنو ؟
ترومين قبل .. بس لازم تكونين مخلصة كورس ومعدلج فوق الـ 2.5 .. وتروحين كليتج تقوليهم أبي أحول .. بيعطوج ورقة انه معدلج 2.5 وتروحين القبول والتسجيل وهم بيخلصونج
3-وبالنسبة للانجليزي انا ابغي اخلص الاقرو هالسنة ، يصير آخذ لفل3 الانجليزي في الصيف ولا ما يصير ؟
هيه ترومين فديتج .. بس حطي في بالج .. وايد بيكون ضغط في الصيف
يسلمووو ^^