بسم الله الرحمن الرحيم
بناء على طلبكم أخواتي قررت أنزل كل مرة وصفة مصورة
من وصفاتي في هالموضوع 
https://forum.uaewomen.net/showthread.php?t=904698
والوصفه اليوم مثل عنونها 
صينية دجاج بالبطاطس والقشطة
———————————
المقادير :
دجاج بدون عظم محضر مسبقا ( مفور بماي مع كركم وهيل ومكعب ماجي ورق غار فلفل أسود عود قرفه حبوب مسمار (حبوب قرنفل) وبعد ماتستوي يتنف الدجاج ويترك على جنب
5 حبات بطاطس كبار مقشرة
3 علب قشطة بوك أو أي نوع + 6 ملاعق كبيرة جبنة سائله انا استخدم المراعي
جبنة موزوريلا
بصل مقطع صغار
طماطم مقطع صغار
بقدونس مفروم
ليمون أسود + بهارات +فلفل أسود + ملح + 1 مكعب ماجي +فلفل أحمر على حسب الرغبة
ملاحظه : أنا ما أستخدم الثوم في جميع وصفاتي لأنه عندنا حساسيه منه
واللي تحب تحطه عادي
الطريقة
أول شي حطيت البطاطا المقشرة بالماي مع حبة مكعب ماجي
ومانتركها تنطبخ وااايد عشان ما تنهرس بسرعه وماتقدرين تبرشينها ^^
خلصنا البطاطس ونحطه على جنب
نحط زيت عالنار ونبدأ نحمر البصل
بعد التحمير نضيف مقدار من الكركم وعقب الليمون الأسود ومكعب ماجي
وعقب نضيف الطماطم نخليه شوي لين يذوب الطماطم ويتمازج نبدأنحط البهارات والملح والفلفل واحب أضيف عليها قرفة بودرة ^^
والحين نجهز القشطه مع الجبنة السائله ونخلطها مع بعض بالخلاط
ونحط بالبايركس أو أي صينيه عدد 4 ملاعق من خلطه القشطه والجبنة ونوزعها بهاي الطريقه
وبإستخدام المبشرة نبشر نص كمية البطاطس فوقه
ونحط فوقه الدجاج اللي حضرناه ^^ شوفوا كيف يدخن خخخخخخخ
وعقب نصب نصف مقدار خلطه القشطة والجبنه فوقه بهاي الطريقة
ونكمل بشر باقي كمية البطاطس فوقه ونصب عليه الباقي من خلطة القشطة والجبنه
وآخر شي تغطي الويه بشوية جبنة موزريلا عشان يكون الويه مقرمش
وندخل الصحن بالفرن من تحت 15 دقيقه مو اكثر عشان القشطه ماتنشف
ومن فوق بس يحمر نطلعه
طبعا الجماعه كانوا يوعانين وغرفوا بسرعه ومالحقت أصورها خخخخخخخخخخ
والقشطه من الداخل يمي يمي
اتفضلوا هني وعافيه على قلوبكم ^^
ولدي شافني أصور وايد جان يقول صوري صحني وطبعا البنوته لازم تقلد أخوها ( أنا بعد) ^^
أتمنى تعجبكم ^^..
أشكر مرورج الطيب ^^
مووول مب وقته ><
وفدييت الكتااكيت بالعاافيه علليهم بس مب علليج