أحم احم مممممممم أدري إنه أول مرة أنزل موضوع في الطبخ >>> استويت سوبر شوخ خخخخخ
تعرفون توني استوعب إنه عندنا مطبخ هع هع هع >>>> يعني لايغركم هذا كله عشان المطبخ يديد ههههههههههههههههه
المهم رمسة زيادة وانسى الطبخة ………. !!!!! *_*
المقادير ::
3 حبات بطاطس كبيرة مسلوقة (يضاف إليها الملح وتصنع منها كور وتوضع على جنب إلى أن ننتهي من خليط السبانخ)
كيسة سبانخ (عادي مجمد هب طازج)
4 حبات برغر دجاج …. ( تقدرون تستبدلونة بدجاج صدور طازجة تقطعونها مربعات صغيرة)
فطر (مشروم مقطع )
بصلة كبيرة
فصين ثوم
نص حبة ماجي
رشة هيل
رشة زنجبيل مطحون
ملعقتين كبار جبن سائل كرفت (اي نوع عندكم )
ربع كوب حليب المراعي أو حليب مركز نوع ( لونا _ أبو قوس)
جبن موزريلا أو شيدر …..
الصلصة ::
3 ملاعق بودرة جوز الهند
3ملاعق جبن سائل كرفت ( اي نوع ..كيري … مثلثات )
2 ملعقتين نشا …..
كوب ونص حليب المراعي….
.
.
تخلط جميعها على النار حتى تصبح غليظة ^^
الطريقة ::
تحمرين البصل المقطع شرائح طويلة مع الثوم الى أن يحمر
بعدين تضيفين البرغر دجاج (يذوب من التجمد) وتفتينه وتحركينة لين ينضى
بعدين تضيفين المشروم وتقلبينة لمدة دقيقتين وتحطين نص حبة ماجي والبهارات الي تحبينها واذا احتاج ملح تزيدنه ….
تضيفين عليه السبانخ ويقلب لمدة 4 دقائق أو أكثر ….
وفي وعاء تخلطين جبن الكرفت مع الحليب ثم تضيفينه على الخليط الي ع النار ويقلب لدقائق وتبندين عنه ……..
تيبين صينية بيركس وتوزعين فيها خليط السبانخ ثم يرص فوقة كرات البطاطس … ويضاف له الصوص البيضاء من اختراعي طلعت يمممممممممي لذيذة >>> طلعت افكر خخخخخخخخ
وآخر شي تضيفين القليل من جبن الموزريلا وتحطينها في الفرن من فوق تتحمر بس أو تقدمينها بدون ماتحطينها في الفرن عادي ……أنا ماحمرتها وحطيتها دايركت في حرارة وسكرت عليها عشان يذوب الجبن …
وسلامتكم ……… وعله بالعافية ……
دعائكم أخواتــــــــي لي ولأهلي بالصحة والعافية ….
ويزاكم ربي خير على زيارة الموضوع وقراءته وأسأل الله النفع لكم ولي …
الله يجزيج خير
مشكوووورة
لذيييييييييييييييييييييذ ياناس طعمها خيااااااااااااااال …….