صناعة الورق الفرعوني في منشطي ….. 1 دليل العروس

نحتاج يا طويلات العمر ….
-1- غراء
-2- ورق ابيض…… بالعربي ورق ابيض شوي قوي انا استخدمت دفتر الرسم
-3- ورق شاي + نسكفية
-4- فرشاة
-5- محارم ورقية الخاصة بالمطبخ …بصريح العبارة كلينكس الخاص بالمطبخ الي نحطة تحت الأكل المقلي عسب يمتص الزيت ….. بس لاتشترون الكلينكس المنقش علية ورود و ازهار العادي اشترو
-6- ماي ساخن حق الورق شاي ليبتون و النسكفية

……….

الخطوات …….
نحضر الورق الأبيض و ننحط الغراء في وعاء عسب نصبغ الورق من الجهة الأولى ثم نضع المحارم الورقية علية و نكرر نفس العملية على الجهة الأخرى من الورق بس في شغلة مهمة ألا و هي انا نفتح الكلينيكس و تكون عندنا طبقتين رقيقة فحق كل جهة طبقة يعني قطعة المحارم الورقية الواحدة تكفي حق ورقة واحدة من الامام و الخلف تضعينها و تترين ( تنتظرين ) شوي لي ما يمتص الورق الغراء و شوي ينشف و بعدها تخلطين النسكفية بالمقدار الي تبينة و تحطين اوراق الشاي بالماء الساخن و تستخدمي الفرشاة نفسها الي صبغتي فيها الورقة بالغراء اغسليها و بعدين اصبغي الورقة باوراق شاي ليبتون من الأمام و الخلف و علقي الورق كأنج تنشرين ملابس علشان تنشف
لا تحطين الورق على طاولة او اي شي لانة راح يلزق شي طبيعي فية غراء هههههههههه علقي الاوراق كانج تنشرين ملابس اوكي ….. و هذا اول شي سويييييتة مع اليهال كان خفيف عليهم لانهم كانو صغار من صف اول لين ثالث و لا اقدر اسوي اشاء عودة عليهم …… بعد ما ينشف الورق اكتبي الي تبينة بأقلام الفلوماستر أي شي تبينة او سوي فية الي تبينة انا كتبت حق اليهال و هم لونوه من داخل و حطو لمع داخل الكتابة ما فرضت عليهم بشي الي يبون يسونة من الالوان و طريقة وضع اللمع ……. بس ها انا حرقت اطراف الورق عسب اسوي تضاريس على الورق من الأطراق تدرون عسب نخلي الورقة شكلها جديم …. حركات خخخخخخخخخخ…….