صديق زوجي استخدم هذ الزيت لبنته لعلاج الاكزيما زيت لقمان حيات المطبخ الاماراتي

السلام عليكم بنات انا تعبت من فتره وادور حل للاكزيما لولدي وبنت اختي ومن فتره بسيطه صديق زوجي جاب زيت لقمان حياة واستخدماه لبنته وبنته كانت تعبانه من الاكزيما وجسما متقطع حليلها وبعد الاستخدام بفضل الله راحت عنها الاكزيما وانا الحين بحاول اييب منه لولدي وبنت اختي من الهند لأن اللي عندي كميه بسيطه من اللي بقى من الغرشه اللي استخدمها صديق زوجي لبنته

واسأل الله ان يشفي الجميع

وهذي صوره ومعلومات عن الزيت من الموقع الخاص بهم

نادي سيدات الاماارات
بنات للأمانه اذكروا اسم المدونة اذا نقلتوه علشان البنات بالاماكن الثانيه اذا حبوا ممكن يسألونا عن النتائج هنا وشكرا لكم

الغالية وين نقدر نلالاقيه ؟

ليش من الهند………………موجود هني وايد والغرشه سعرها 6 راهم بس

ما تتصورون شو فوايده اسالوا مجرب انا كنت ماخذه كرتونه من الهند ووزعيتها والحين اخذه من هني

توني اتصلت للعطارين حصلت عندهم الزيت في حجمين كبير وصغير انا ما كنت ادري انه موجود بس قبل الاذان اتصلت وسألت قال عندهم اكيد موجود بكل مكان

العيناويه الله يوفقج

ريمي تسلمين عزيزتي سبحان الله انا توني متصله بعد وخبروني العطارين ان فيه مشكوره حبيبتي وصدق هو مفيد سبحان الله

العفو الغاليه

مو بس عند العطارين بتلاقين في السوبرماركتات اللي يبيعون فيها هنود بتلاقين عندهم

عيل بتصل لبقالتنا يارب يكون فيه بطلب منه بالمره اذا عنده مشكوووووره حبيبتي رييمي

ريمي بقوووول لج شي

خلااااص انا من اليوم ورايح أحبججججج لووووووول

طلع في بالبقاله وقلت له اييبه لي

مشكوره فديتج وجزاج الله خير