اليوم يالغاليات سويت صالونة لحم بصلصه الخضراء الغليظه وصدقوني طعمها
رهيببببه خصوصا مع الخبز الايراني او اللبناني .. عاد انتو بكيفكم
حلو الوحده منا تجرب تعدد الاكلات وتجرب شي جديد
بس الي عندناا يحبون ياكلونها مع عيش ابيض ..
نبتدي باسم الله
نقطع عدد 5 حبات بصل الي مربعات
نبشر الثوم والزنجبيل الطازج مع علبة مكعبات لحم ماجي
نغسل اللحم جيدا ونخليه في مصفااه
نفرم عدد نص شدة بقدونس مع كزبره فرم ناعم
طبعا بهارات .. كركم عدد ملعقة اكل مع نص ملعقه من كمون وكزبره ولمون عماني بودر
نسكب علي البصل تقريباً نص كلاس زيت ونخليه لحد مايشقر
نحط عليه الثوم والزنجبيل المبشور ونحركه لمدة دقيقتين فقط
نضيف اللحم عليه ونخلطه جيدا حتى يصير نحس ان بدا ينشف سائل اللحم
يتبع
نغطي عليه ونوطي النار ونخليه لمدة 10 دقايق ع نار هادي جدا
عقب 10 دقايق نشل الغطاء ونخلطه مرة ثانيه
عقب ما ينشف سائل اللحم جيدا نضيف البهارات وعلبة مكعبات لحم الماجي
ونخلطهم جيدا .. ملاحظه النار لازم يكون واطي جدا ونخليهم تقريبا 10 دقايق
مع خلطه كل دقيقتين
عقب 10 دقايق نضيف عليه ماء مغلي
تقريباً ليترين ماء مغلي
يتبع
عقب 20دقيقه نشل الغطاء ونخلطه مره ثانيه ونضيف البقدونس والكزبره المفرومه
ناعمه ونخليه ع نار متوسطه تقريبا نص ساعه او لحد مانشوف ان بدا يغلظ قوامه
الشكل النهائي
ماشاءالله ست بيت شاطرة الله يحفظج
حبوبة اذا عندج وصفات حق النباتيين خبريني