خواتى قررت انى انزل لكم صالونه الزهره الحاره وااايد
وهى عباره عن .gif "12 (57)")
قرنبيط او زهره امقطعه قطع اصغار
بصل امقطع اصغار وثوم اهروس تقريبا 2 حبتين او 3
2 طماط امقطه ارباع
بطاط امقطع اصغار
وجزر امقطع اصغار
فلفل حار 5 حبات
ملح حسب الحاجه
مكعب ماجى
ملعقه فلفل حار – ملعقه كركم – ملعقه فلفل اسود
ماء حسب الحاجه
سمن
اول شى خواتى انيب تاوه اكبيره , ونضيف لها السمن تقريبا ملعقتين اكبار وبعدين انضيف البصل والثوم ونحركهم زين مازين , وبعدين انضيف الفلفل الحار الخمس حبات بس انكون امقطعينهم ونحركهم مع بعض وبعدين انضيف الخضروات الى ذكرتها فوق مع البهارات والماجى ونحركهم ونوطى عليهم النار ونسكر عليهم بالغطاااه عشان يستون على راحتهم خواتى وعقب ما نرفع عنهم الغطاه انشيك على الطعم والخضروات اذا كانت بعدها ماستوت انضيف لها ماى تقريبا كوب عشان تستوى عذنا وتنظج , وشيكو على الطعم اذا كان ملحها اوكى ولا لا انزين خواتى اذا كان كل شى اوكى بندو عنه النار وتقدرون تاكلونه ويا العيش الابيض او خبز براتا الهندى
وها بكون شكلها النهائى خواتى وسلامتكم
