صالونات للمكياج((فالشارجه)).. لتعتني بشعرك

السلام عليكم ورحمة الله وبركاته..

شحالكن خواتي؟؟عساكن بخير..

عندي عرس تاريخ 9/1/2017م..وعيزت وانا ادور صالونات للميك اب..يكون راقي وحلو..
اتصلت فنجلى النعيمي بس قالتلي فل عندها.. كان ودي احط عندها بصراحه مكياجها خباال..

بغيت احط مكياج ع مستوى مكياج نجلى النعيمي وهيفا صفر..يعني يكوون حلوو وراقي..
ياليت اتساعدووني..
ابغي يا اما فالشارجه او عيمان غير هالامارتين مااروم لان بعيد عليه..

موفقه الغاليه شوفي الخاص

يعطيج العافيه الغاليه وماقصرتي..^_^

شوفي شغل خلود التميمي راقي

اسلوبها ماعيبني مع احترامي الشديد..
قلت لها اذا اتيين للبيت ولا عندج مكان اتحطين فيه المكياج..ردت عليه قالتلي فبيتي طبعا انا حبيبتي ماطلع البيوت..اسلوبها ابدا ماعيبني واسألها عن مكانها وجي ماعطتني اي تفاصيل..بس عطتني تفاصيل اسعارها..وانا اسألها عن شي وهي اتجاوبني فشي ثاني..
بصرااحه حتى لو اني فكرت احط عندها بس مابحط عندها ولابفكر مجرد تفكير مره ثانيه..مهما كان الزبونه لها احترامها..واذا تبي تكسب زباين المفروض تتكلم باسلوب ارقى عن جي..وانا ماكان قصدي اني اقول لها اتهيت البيوت وغيره انا كان قصدي اذا اتيي اتحط فالبيت ولا ماتحط الا عندها مافيها شي لو قالتلي عندي مكان خاص وتقدرين اتيين..><

اختي جربي مركز الكويتية للتجميل على درب المدينة الجامعية… شغلهم حلو وايد

حياج حبيبتي انا من الشارجة