شو كان شعورج يوم طلعتي من بيت اهل ريلج لبيتج او سكنج الخاص؟؟ بكل مصداقية < رعاية الاطفال

السلام عليكم

شو كان شعورج بالتفصيل

يوم شليتي اغراضج من بيت اهل ريلج لبيتج اليديد او سكنج الخاص مع زوجج؟؟

بكل صراحة بنات ابغي الصراحة ،،،، و بخبركم بشعوري

انا كنت اتريى ها اللحظة بفارغ الصبر عسب تكون لي خصووصية مع ريلي و ارتاح
بس ما ادري من شليت اغراضي

احس جي دموعي نزلت خاصة اني متعودة ع اليهال اللي في البيت ههههههه صحت طبعا
بس كنت اقول طاير من الفرحة طاير قلبي على نارررررر ناطر
هايم من الشوق هايم
وحشني شوووف فلتي ههههه

فديتهم اليوم الثاني كلهم في بيتي حاولت اشرد بس وراي وراي خخخخ
اتمصخر والله

انا من عرست سكنت روحي ^^ ما جربت اسكن بيت اهل ريلي ..

موفقات

امممم انا كنت مواصله و رايحه بيتي احط ملابسي
و كنت مسطله ابا انام و تعبانه

و ما تأثرت وايد لان بيتي قريب بيت اهلي مسافه شارعين وسكه هههه

بس بعد العرس فشهر العسل
كل يوووم لازم يتصلون لي وحشتهم ههه
بذات اختي الوحيده تتصل تسمع صوتي تصيح
لانها متعوده ترقد وانا اطفرها اشغل الليت ولا اسالها عن شي
مع اني كنت فالبلاد ماسافرت ههه
وبسً هيك الي صار

كنت متوترة وافكر اذا طلعتنا لها لازمه لان طلعتنا كانت شبه مستحيله واهل ريلي كانوا مب راضين ابد نطلع من عندهم وام زوجي ماكان هاين عليها ان ولدها يودرهم على شان جي كنت افكر اتراجع عن الطلعه على شان ما يزعلون علينا وعلى شان ما كنت ابي اكون انانية بس طلعنا عقب قمنا انروح لهم كل يوم على شان ما يحسون ان ودرناهم على طول لين تقبلوا الوضع

والحمد الله على كل حال

انا الحمدلله من عرست فقسم بروحي والبيت فيه اقسام ساكنين فيه إخوان ريلي

وهذا وكنت مقهورة لانه حد فالبيت بس ماقلت لريلي .. مب عجان شي بس احس حد يطالعنا وحد يسمعنا بس الحين لو قالي ريلي بننتقل مابطيع بيتي صغير ع قدي ..^^