حبيت اسال عن مستشفي الجيمي منوه عندها تجارب في ولاده وشو رايكن في نيرسات ؟ وشو احسن مستشفيات للولاده من ناحية كل شي ؟
انا اعالج في ان م سي عند دكتورة داكور وحابه اولد عندها بااذن الله سبحانه وتعالي بس سمعت من فتحو المستشفي ما عندهم حضانه بس اللحين ما سالت دكتورتي من اسير موعدي عندها انسي اسالها _ وقلت اذا ما عندهم حضانه ما اقدر اخاطر في الخاص وقلت بجرب الجيمي لانه توام ما احبهم خير شر والمستشفيات الثانيه ما اعرف عن دخاترهم كيف ولا عنايتهم كيف !
المهم خلونا نساعد بعضنا وساعدوني وايد متحيره
بعدني علي ولاده باقلي ثلاث شهور بس احاتي لاني عندي كانت اسقاطات الله يبعدها عنا وعنكم ان شاء الله
يقولون فتحو قسم يديد للوالده والغرف يداد
الله يسهل لج اختي ولادتج ولجميع الحوامل
انا ربيت فيه مرة
والله وثم والله لو يبقى اخر مستشفى بالعالم ماراح جرب الولاده فيه مرة ثانية
وصلت لهم الساعة 6 الصبح وبعد ماحولتني الطبيبة لصالة الولادة
انتظر الممرضات اي وحدة تجي مافي
اصارخ وانا وحدي والالم مو طبيعي وماجتني اي واحدة
كل واحدة تفوت من عند الباب وتقولي الحين ببعثلج وحدة وتروح وماترد
وبعدها جاتني قابلة صغيرة من النمسا وايد طيوبة وحبوبة الله يرضى عليها
طلبت من اول ماجيت ابرة الظهر وكل شوي يقولن الحين بيجي الطبيب
وصارت الساعة 8 وماحدا اعطاني ابرة الظهر
بعد شوي جاء الطبيب بس القابلة قالت لازم اشوفك كم وصلتي فحصتني وقالت 8 سم مايستوي تاخذين الابرة
لانه ولادتج قربت قلت لهم ليش ماخليتوه يدخل من البداية
وضليت اعاني من الالم ولله الحمد ولدت على الساعة 9 الا ربع
وبعد ماولدت بربع ساعة وارتاحيت والقابلة فحصتني قالت ماتحتاجين لخياطة ولاشي
جاتني طبيبة اسمها موزة ومعاها طبيبة تحت التدريب
وفحصتني وقالت عندك جرح بعنق الرحم ولازم نخيطج لانج بتنزفين
تخيلوا طلبت من الطبيبة الجديدة تخيطني وانا تميت اصارخ
مارضيت
بعدين قالت انا وياها بنخيطج
وحسبي الله عليها شو عملت فيني علشان تخيط عنق الرحم بعد ماولدت بربع ساعة
قامت بشق العجان وانا والدة ومخلصة ومن دون بنج
في حد يقصونه بعد الولادة بحياتكم سامعين هالشي
والله تقول انها ضربتني ابرة بنج بس والله الالم اللي تألمته بعمليتي الاولى القيصري ماجاء ربع الالم بالخياطة وقص العجان
حسبي الله عليهن عذبني ودمرني وكل شوي تقولي انها بتعطيني بنج وانا الالم اللي اتألمه ماقد شفته
وقامت تصارخ وتقولي لو ضليتي جذي باخذج لصالة العمليات واعطيج بنج عام
ياريت عملتها بس ترجع تقول علشان البيبي ماراح اعطيج بنج عام
وخيطتني داخلي ورجعت خارجي
وبعدها تقولي انها متأسفة على الالم
وبعدها بنتي كانوا شاكين انها فتحتة الخروج عدها غير مفتوحة ولازم اول ماتولد عمليه
علشان جذي ولدت بالجيمي
والله الذي لا اله الا هو لم يزرني الطبيب الاطفال الا بعد الساعة الثامنة بالليل
تخيلي لو بنتي كانت تحتاج لعملية كان شو استوى لها
وانا اكثر من مرة طلبت الطبيب ويقولولي اسفين هو عمل جولته الصباحية وماراح يجي الى بالليل
وبقيت اربع ايام عدهم الممرضات مايتحاجون
كلما اطلب وحدة لانه بنتي نامت معاي بس بعيدة عني وانا ماقدر اشيلها يوم تبجي
اقول لها اعطيني اياها علشان ارضعها
تقولي انتي قومي وشيليها
وثاني يوم الطبيبة جاتني وقالت لي شو تحتاجي ولا فحصتني ولا شي
قلت لها اريد اي شي ملين لانه مااقدر اروح الحمام (اعزكم الله ) من الم الخيوط
اعطتني تحميلة واحدة فقط ويوم سرت الحمام طاحت مني
رجعت اطلب منهم تقولي روحي اشتري من الصيدلية
واي دواء للجرح ماعطوني
وبعد كم يوم التهب الجرح لانهم ماعطوني ولاقالولي روحي طبيبة ولا نصحوني باي شي
بالاخير اتصلت بامي وخبرتي لازم تاخذين علاج مضاد حيوي علشان الجرح مايلتهب
ولازم دواء مرهم للجرح فزوجي سار الصيدلية واشتارهم لي
ومعاناتي مع الجرح ضليت اعاني منها اسابيع
والله انا كتبت لك قصتي باختصار
واللي شفته من مستشفاهم والله لو اولد بالبيت ولحالي ماروح لهم مرة ثانية
الحين انا براجع مستشفى كرومويل للنساء والاطفال
وفي وايد طبيبات يمدحوهم عندج صبوح ونازك ووسنة
وانا اراجع عند نازك بعد مااستخرت رب العالمين
والحمد لله مرتاحة معاها
انتي استخيري وربي يقدم لج اللي فيه الخير
وسامحيني على الاطالة ودعواتج ربي يتمم لي حملي ويرزقني بطفل سليم معافى خالي من كل عاهة او مرض
قبل كانت تتروع من غرفة الولادة
بس الحين يخلونج اتربين فحجرتج .. لج حجره خاصه
يعني احسن عن قبل
أنا انصحج تزورينهم اروحج وتشوفين بعيونج لأنه تجارب الحريم يختلفن .. والممرضات والدكاتره مب كلهم واحد