شحاااالكم ؟؟
اللي تعرف اي شي عن كلية الخوارزمي أو درست عندهم سواء" خذت دورات أو درست دبلوم .. بليييز اتخبرني شو رايهااا ف الكلية و في تدريسهم ؟؟
يعني اتشجعوني ادرس عندهم و لا لأ ؟؟؟
و شكرا"" مقدما
دراستهم واااااااااااايد زين
واشجعج تدرسين معاهم حتى المعامله زين ويفهمون زين بعد
وسمووووووووووووحه هذي وجهة نظري
انا سمعت انها تجارية اكثر من ناحية علمية
هذا والله اعلم …
انا دخلت عندهم دورة توفل طبعا ب 1500 او اكثر ما اذكر بالضبط لان السالفة فوق سنه المهم اتصلوا فينا عقب ما عصرونا من كثر ما نتريا كل مرة يقولون العدد ما اكتمل المهم عقب ما بدينا حطونا في كلاس محتر وقعدنا نشتكي وعقب ودونا قسم الاولاد اللي داخل وطالع يفتح الباب علينا والاخس يابلونا مدرسة ما تعرف راسها من ريولها كل يوم عندها ظرف مرة ولدها ومرة بنتها وما اتي ومرة تعطينا ساعه والثانية تشرد ومرة ترقد وتقول انتوا حلوا وهي تراجع معانا بس ومرة اكتشفنا انها بروحها تاخذ توفل في معهد غير وهي اعترفت لنا بهالشي وبعدين يابولنا مدرس كان زين وايد بس مب للتوفل هو اصلا يدرس انجليزي مستويات واكتشفنا معاه كل اللي حليناه غلط المهم دخلنا فترة الامتحانات خذوا عنا رسول ثاني مرة 300 درهم ودخلت الامتحان وطبعا الحبايب رسبونا كلنا مع انه غشيييييييييييينا غش ويبنا معانا قاموس ومترجم وكل شي انا وربيعتي اوراقنا كوبي عن بعض بس كل وحده يابت درجة غير كيف هاي فسريها يعني اكيد ما صلحوا عدل
المهم رحت استلم الشهادة مخلطيييييييين في اسمي طبعا الجهة اللي قدمت فيها الشهادة ما بياخذون لانهم مش متاكدين انها مالتي عبالهم مالت اختي لان اسم الابو وفوق نفس الشي اللهم اسمي غيروه المهم رديت لهم عسب يعدلونه قالوا اتريي واتريييييييت وسار اخوي تواقع معاهم قالو خلص خلها تدفع 300 مرة ثانية وبنعدل لها الاسم او تدخل الامتحان بدون فلوس وطبعا كذابين لانهم عارفين حتى لو امتحنت بيرسوبي بدرجة اخس وطبييييييييييييييييتهم لا طلعت بشهادة ولا حتى نص ورقة تثبت اني دافعه هالمبالغ ولا تثبت اني اصلا خذت توفل
والله كل ما امر من عندهم ادعي عليهم
هالخوارزمي العين
سيري شوفيلج معاهد تشتغل بضميييييييييييير مب بضمير فلوس
وانتي حرة اختي
السموح منج
_ _ _ سلفانا _ _ _ مشكوووره الغلا على المشااركة
_ _ _الاترجه _ _ _ من العين وهاي الكلية في العين
_ _ _ أم صلحلح _ _ _ ويييييه ثرهم طلعوا مصلحجيين 😐 الله يكتب اللي فيه الخير ،، و الله يعوضج خير في الدورة اللي خذتيهاا عندهم ^_^
_ _ _ منى الحمادي _ _ _ مسمووووحه فديتج و شكرا" على المرور
والله راي في كلية الخوارزمي
هي كلية عريقة وغنية عن التعريف بها ولكن اضافة رأي هو انها من افضل الكليات العالمية ويكفيني شرفنا ان اكون احدي طلباتها وانها تتميز باهتمامها بالمعاير العالمية والتقنيات الحديثة والتميز والرقي في الاداء والعطاء والاهم من ذلك بان بها نخبة من الاساتذة والدكاترة وفريق وقادر تعليمي ليس له مثيل في جميع التخصصات العلمية وهي كلية ذات مكانة رفيعة ولها بصماتها الفعالة واتقدم بالشكر والعرفان للمرشد الاكاديمي للرعاية التنفسية وجميع المسؤلين لقسم الرعاية التنفسية وخصوص الدكتور منغوش الذي بذل كل جهودة هو جميع الدكاترة والاساتذة والعاملين لتطوير هذا القسم كما اتقدم بالشكر لجميع الاقسام والعاملين علي انجاحها بهذا القدر الكبير وابارك لصاحب هذة الكلية العريقة الفاضل نبيل القاضي علي جهودة التي اسهمت في الارتقاء بالطلبة والطالبات وادخالهم في هذا المجال لقسم الرعاية التنفسية وذلك ان دل فانما يدل علي الاهتمام والرعاية الانسانية للبشرية وانا شخصيا سعيدة جدا بهذا المجال المطروح علي الرغم من ان ظروفي المادية قد لاتساعدني علي استكمال الدراسة ولكني اسعي جاهدة بأذن الله ان اكون من النخبة الذين يواصلون تعليمهم في هذا المجال وذلك لخدمة وطني وخصوص وانني من اول المتطوعين في هيئة الهلال الاحمر الاماراتي وشكرا لكلية الخوارزمي ولكل من يعمل بها