شو رايكم !!!! رعاية الاطفال

السلام عليكم ورحمة الله وبركاته

بدخل فالموضوع على طول وابا رايكم

انا مطلقه
وفي واحد خطبني تقريبا احين كمل سنه بس لين احين ما يو يخطبون رسمي
يحددون الموعد عقب يطنشون وانا استخرت كم مره وما حسيت بشي

واحين متقدملي واحد متزوج هنديه وعنده ولد منها بس مخلنها عشان بنته واحين ندمان انه خذها لان كان عنده مشاكل عند اهله وخذها واحين يبا ياخذ بنت بلاده فشو رايكم

ها النك نيم مال ربيعتي يزاها الف خير عطتني ونصحتني اني اسالكم لانكم ما بتقصرون

استخيري اذا أرتحتي وأفقي والله يجدم ألي فيه الخير

استخيري ختيه والله يكتبلج الخير بكل خطوة تخطينها
وان شاء الله الخوات بيساعدونج اكثر
وبالتوفيج . .

دام هذاك ما في خبر من صوبه توكلي على الله ووافقي … بس حاولي تووصلين للي خطبج اول ان لو ما تحركو بتوافقون على المعرس الجديد

اسالي الي خطبج او شي وشوفي شو رايه يبيج او لا ونصيحه لا تتريين وايد اختاري الي فيه الخير لج

الله يتمم لج على خير خبيبتي وعقبالي

خل امج ولا ابوج يتواصلون ويا هل اللي خطبج اول لان استوت شبه خطوبة ويخبرونهم انج انخطبتي ..
في حال يرخصونج ولا لا ..
وانتي اهم شي صلي استخارة وتذكري انه ريال متزوج وعنده ولد يعني ما بيكون متفرغلج مثل اللي اول مرة يتزوج عنده مسؤوليات وهالسوالف ..

ربي يوفقج حبيبتي