شو رايكم بالاجانب اللي يدرسون في المدارس الحكومية تعليم الامارات

طبا انتو عارفين ان مدرسات الرياضيات والعلوم للصف الاول والثاني اجانب :
وانا اليوم اشيك عكتب بنتي صف الثاني لاحظت انه :
اولا : تعطيها الواجب خمس صفحات تحل في الكتاب فلازم احنا نشرحلها الدرس ونفهمها طريقة الحل وكل صفحة درس غير .
عيل الاجنبية شو وظيفتها في الصف ؟
بعكس معلماتنا اللي يكونن مفهمات البنات الدرس ويجن البيت يحلن التمارين وفاهمات شو المطلوب منهن .
ثانيا : بعد ما جمعت الكتب لتصحيحها قامت بوضع دائرة عالخطأ فقط واغلب الصفحات اللي مافيها أخطاء تركتها فاضية بدون علامات صح او اكس وبدون حتى توقيع أو اي علامة تدل انها قامت بتصحيح الكتاب وبدون حتى توقيع يدل على شخصيتا يعني شو الدليل انها شافت حل البنت اللي هو من اجتهاد اولياء الامور او البنت نفسها .
بعكس مدرساتنا اللي يحطن ملاحظاتهن ودرجات عالكتاب وبعض العبارات التشجيعية اللي تخلينا نفتح الكتاب ونعرف مستويات بناتنا .
وهذا اللي لاحظناه بس واحنا تونا في بداية السنة والله يعين من الجاي .
هاذيل الله اعلم شو كانن في بلادهن شكلهن ما خصهن في التدريس .
ويا ريت كل وحدة تحطلنا ملاحظاتها………………..

امممم انا اشوف انه الاجانب من ناحية اللغه الانجليزيه احسن للصغاريه عشان يتعلموون لغه
والله اشووف هم يستخدمون اسلوب الجامعات والكليات مثل ماقلتي
لان نحن فالكليه كانوا يهلكوونا بالواجبااات
وبعد كانوا يحطون اشاره ع الغلط واذا الاجابة صح مايحطون علامة صح ولا يحزنوون
السموحه

سار معاي موقف فظيع انا كنت رئيسة مجلس امهات لروضه وفي يوم تخريج KG2 تعرفوا يسولهم حفلة تخريج كنت حاطه فقرة مسابقات وكنت مغلفه علبة عصير واخترنا احدى المدرسات الاجنبيات وقلت لها بالانجليزي نباج اتشاركينا وتخمني شنو هذا الشي طبعا الحبيبه تمت اتخمن وتتحسس العلبه تبي تعرف شو هذا الشي الآ فجأه تصرخ وتقول عرفت عرفت وتمسك المايك وتقول بصوت مسموع وعالى (خمر ) والغريبه قالتها بالانجليزي وبسرعه ردت قالتها بالعربي (كمر) طاحت علي الكلمه مثل الصاعقه وانا قاعدة اقول في خاطري في رياض اطفال تلفظ الكلمه بكل وقاحه لكني والله ما سكتت مسكت المايك وقلت لها بالانجليزي عشان كلهن يفهمن انا دينا الاسلامي حرم الخمر وعندنا هالشي موب مسموح وككلمه مثل هذي المفروض ما تلفظ هنيه لان اعتقد حتى اطفالكم ما تسمحون لهم بهالاشياء وبعدني ابي اكمل لكن مديرة المدرسه سحبت المايك وقالت انهم ما يعرفوا شي يام فلانه لا تكبري الموضوع . والله العالم مين اللي ما يفهم احنا ولآ هم .
وانتو الحكم و انتظر تعليقاتكم

صح اختي مرود كحالي انا معاج المفروض بس يخلونهم لتدريس اللغه الانجليزية
ومثل ما قالت اخت بنت زايد 2لازم ننبهم لمراعاة اختلاف الديانات والعادات والتقاليد .

بنت زايد ،، ما قصرتي أدبتيهــــــــــــــــــــا
ههههههههههههههههه

000000000000

شو ها حتى عيالكم ما تبونه يستفيدو الله يهدينا