بما انه القريه مفتوحه نبى ناخذ خبراتكم
شو اللي عيبج من القريه
وخذتيه
واي جناح عيبج اكثر شي
واذا ا امكن مع الصور
بصراحة كل قرية فيها كم محل مميزين …
السعودية ……….. محل لقمصان و جلابيات النوم أفكار يديدة و نعومات ..
محل التمور عندهم معمول محشي بالتوفي و الفراولة لذيذ و سنيكر القصيم و الكليجة اللي بالدبس و الي تي قروص صغار منفخات (( الله عالوصف هههههه ))
التايلاندية ……… أول ما تدشين محل الاكسسوارات .. محل فساتين أشكالها رووعة شفتها عالمانيكان بس كان زخمة و ما بغيت أتريا … بردلهم … و المطعم ما أدري شو سالفته … شفت فيه زحمة و الكل يالس ياكل !!! بالعافية عليهم …
الكويتية ……… محل القمصان الطوال ستايل هدى حسين أشكالهم رووعة جنه لابسة جلابية قصيرة سووو كيووت
محل فساتين البنوتات أشكال تجذب رووعة ..
الشايع للعطور ..
المصرية …… ملابس الأطفال الداخلية ما تعول … جودتها عالية و بجايمهم كنت باخذ بس من كم يوم متميرة لعيالي من بيبي شوب أيام التنزيلات .. عندهم الدليقات الصوف أشكال حلوة ..
و لاحظت جلابيات نانسي عجرم أشكال يديدة شكلها استرش ويا العصا لوووووووول … حلوات بس استحيت آخذ كانوا مواطنين واقفين .. مرة تانية هههههههه
يتبع …………………………………… انتظروني بسير أسوي عشا هههههههههه
وأخد لي لفة في القرية الصينة,اذا عيبني شيء
و القرية المغربية أشتري من عندهم الطين الأبيض
و سلامتج
إن شاء الله يوم بروح برد للموضوع
وسرت القرية الإيرانية كعادتي السنوية واشتريت بفك لينا وفالودة
وفيه محل في القرية الكويتية يبيعون صابون مع اللوشن والكريم والريحتهم اطير العقل
ومن التلايلندية الهمبا المقطع و الربيااان ومن القرية السورية الشباشب (كرمكم الله) مال الشتاء………..