شو الدول الي فخاطرج تزورينها ….. وشو الدول الي ما تفكرين فيها؟؟؟؟ لذوي الاحتياجات

مرحبا يا حلووووووين

واضح الموضوع من عنوانه …

كل وحده تخبرنا وين الدول الي فخاطرها تزورينها ،، وليش؟؟

وشو الدول الي ما تفكرين تزورينها ،، وليش؟

بالنسبه لي ،،
الدول الي فخاطري ازورهم
لاني زرت اغلب دول اوروبا ،،
فخاطري ازور

إيطاليا … فخاطري اشوف فينيسا واسير سووقهم و أزور روما على قولتهم مدينة العشاق ،،

أسبانيا ،، توه دخلت فرش .. من عقب موضوع عيناويه ومن الي يقووله ابويه وربيعتي ..

امريكا ،، احس هالدوله فيها كل شي وكل الأجواء والأماكن بر وبحر وصيف وشتا وسوق وطبيعية وألعاب وكبيره ووايد ولايات فيها ،، بس يحسوون انها بعيده وثجيله عايله كامله اتم تنتقل من مكان لمكان خخخخخ يتيروني اسير يوم اعرس عشان اطلع الي في خاطري

اليابان ،، احسها دوله مطوره وناس راقين وعليهم مخ خخخخخخ

نيوزلندا ،، احسها حلووه وهاديه واحلى عن استراليا >> ترا كل شي على كيفي خخخخخ

الدول الي ما افكر ازورها،،

دول شرق اسيا بشكل عام ،، ما ادري يمكن لانه من كثر ما سمعت عن الحر والجو هناك معنه الكل يمدح سوقها والطبيعة بس مب فخاطري نهائيا وابويه دوم يقول انا ما بظهر من الحر وبيلس في الحر و الواحد يعق فلوسه على برااااد وجو حلو الا اذا حد بيوديني كمن يوم ويردني مابا اتم اسبووع >> اشرط … بس محد يقنعني فيهم ههههه

كنــدا ،، هذي الي في جسحة ابليس مووول ما افكر فيها بعيده وما فيها زود وحتى الي ساورها واشوف صوورهم مب حلوه ولا فيها شي يرزا الواحد يتحمل الدرب عشانها

الصين ،، قمت اسمع الناس تسيرها بس احس ما بتعيبني وعندي هيلو كيتي بعد ما احبها ولا احب اكلهم ،، في النهايه اعرف اني بموت من اليوع هههههه

w

UAE is the best

واتمنى ما نطلع خارج الموضوع ويتحول لنقاش ثاني