سامحوني تراني ام لاول مره وعلشان جذه اوسوس واحاتي وايد
مشكلتي خبرتكم بها قبل الحليب اللي من صدري
انا الحين كملت شهر من ولدت وللحين مافيني حليب خفيف وايد احس مايطلع الا اذا عصرت صدري ولونه شفاف هب شرات الحليب اللي مفروض يطلع
على فكره ماخليت شي ماكلته وشربته
انا وايد خايفه مادري هالشي طبيعي ولا لا
احس اني تعبت نفسيا وايد ولدي غامضني يتم يوعان ومابا اعوده عالصناعي وايد
خبروني شو الحل انا اعطيه حليب صناعي كمساعد بس ماتمر ساعتين الا يكون يوعان ويصيح واحس الحليب الي فصدري مول مايشبعه لانه احيانا حتى لو اعصره مايطلع شي موووول
الله يوفقج يا رب و يحفظ لج ولدج
وهذا الخط الساخن 0505679525 تقدرين تتصلين في أي وقت وترد عليج أخصائيه الرضاعه الطبيعيه. حتى لو كنتي من إماره ثانيه راح يساعدونج.
والسموحه أتمنى أكون أفدتج. طمنينا.
وحاولت أزيد نسبة الحليب بأي طريقه والحمدالله رب العالمين الحليب كان يطفرررررر لا إله الا الله من كثرته ..
وكنت أستخدم قطن الصدر باستمرار لأنه الحليب يزيد و الحمدالله رضعته طبيعي و بس …
شوفي شو سويت .. طبعا كله من بحوث و من تجارب ونصايح خواتي بعد يزاهم الله خير …
1)) روحي المحمصه وحتى في بعض الجمعيات بتحصلين ( السحلب ) .. يوميا لاااااااازم تشربين سحلب بمعدل 3 أكواب يوميا .. ترى طعمه لذييييييذ وبيخليج تشربين أكثر وطريقه تحضيره سهله ومكتوبه عليه …
ولو ما حصلتي الجاهز جربي طريقه الخوات …
https://forum.uaewomen.net/showthread.php?t=451171
والله اني اشتهيته أحين … يمم يم لذيذ والله
2)) المغيت .. أو في بعضهم يسمونه المغيط … هذا لونه غامج و بعد تحصلينه في المحمصات .. أنا خذته الاطلال .. فيه وااايد سمسم وحلبه .. طعمه مب هاااااااك الزوووود يعني أتغصب فيها لعيوووون البيبي ولصحتي طبعا …. بس واااااااااايد مفيد والله …
3)) لااازم تشربين حليب طازج يوووووووميا لااااااااااااااااااااااااااازم .. كوبين على الأقل …
4 )) كثري من شرب الماي .. والسوائل عموما .. شوربات وعصاير وغيره
5 )) هاتي لج برطمانات رهش ههههه .. لا تقولين بمتن وما أعرف شو .. ترى كل اللي تاكلينه يروح بالرضاعه صدقيني … ولا بتزيدين بالعكس وزنج بينقص لانج تبذلين مجهود بالرضاعه شل وحط و شفط وغيره خخخ
6 )) بما أنه الجو حار خل أعلمج آآآآيسكريم لذيذ ومغذي و يكثر الحليب بنفس الوقت والله عن تجربه …
من آكل أحس صدري يتحجر وأركض أرضع ولدي غصب خخخخ .. هاتي علبه قشطه ( وبامكانج تزيدين الكميه على كيفج ) و اخلطي معها خاشوقتين مال الأكل كاكاو نوتيلا .. وخليه في الثلاجه ساعه أو ساعتي اشوي يجمد وعقب اهجمي عليه .. صج لــــــــــــذيذ ^^
7)) الحبه الحمرا … طبعا سويها حسب طريقتج .. بالسكر أو الملح … أنا أحبها بالملح وكنت أشربها يوميا ..
منها تنظيف للرحم ومنها سوائل ومفيده في ادرار الحليب بعد ^^
و صدقيني لو اتبعتي نصايحي باذن الله بتشوفين تحسن كبييييييييييير …
ترى هاي نصايح من القلب لأني صج عااانيت في البدايه من هالشي خاصه اني ضعيفه كانوا يحبطوني و يحسسوني انه عندي نقص بس الحمدالله رب العالمين ……