شو الأفضل اييب خدامتين نفس الجنسية أو جنسيات مختلفه 😞

خواتي أبا شوركن أييب ثنتين نفس الجنسية مثلا اندونيسيات تحسن انهن بيتساعدن أو جنسيات مختلفة محتااااااااره….رايكن يهمني

جنسيات مختلفة احسن
والله يوفقج اختي

جنسيه وحده انتي بتتجنين جننوا اهلي وسفروهم الثنتين تحصلين كل وحده تساعد الثانيه وغير رمستهم مع بعض بلغتهم اذا كشفناهم ونقلهم تكلموا عربي مافي ومايفهمون

جيبي جنسيتين مختلفه

والله انا جربت خدامتين من نفس الجنسية فلبينية طلعوا ملعونات وسفرتهم عالطول والله سنة وخلاص سفرتهم ماقدرت اتحمل
الممرة هاي يبت فلبينية واندونيسية والحمدلله زين ومااقولج مافي مشاكل امبلا في بس عادي مطنشة واشوف ان ماشيين زين
احسن لج مختلفين

جزاكن الله خير

جنسيات مختلفة

نحن يبنا شغالتين
نفس الجنسيه
فالبدايه القبليه سحبت ايدها من الشغل
عقب حصلت هزبه فالحين يتساعدون
الشغل مقسم بينهم
والقبليه تعلم اليديده
ينشون مع بعض ويرقدون مع بعض
جنهم خوات