شو احساس الحامل بالاسبوع السادس , لاني ما احس باي شي , ممكن تفيدوني؟

مرحبا خواتي ، انا بصراحة فالاسبوع السادس واول حمل لي فيجيسني خوف على الجنين , لاني ما احس بشي , اللهم بس صدري يعورني و بخاصة اني رحت عيادة حكومية وبغيت اعرف وضع الجنين ’ فقالت ما نسويلج شي الا بالشهر الثالث , فبصراحة ابا اطمن على وضعه , ادعولي بنات ربي يثبت جنيني ويرزق كل محرومة بالذرية الصالحة اللهم آمين

مبرووك عليج الحمل وربي يتممه ع خير ^^

توج حبوبة فالأسبوع السادس كيس الحمل يالله يبين فشي طبيعي مابتحسين بالحمل لاتحاتين (:

إنتي محظوظه^^
أنا في الاسبوع السادس وكارهه عمري وكل شيء
فيني لوعه شديده وبطني طول الوقت يعورني وماروم اتحرك وأيد لأني إتعب بسرعه
ولساني فيه طعم مر ويوم أكل شيء حلووو يكون طعمه حلوووو بزياده لدرجة اني أحس بلوعه منه
ومن كثر الرقاد أحس بعظامي تعورني بعد
تهوون ان شاءالله ..أحاول أطالع الشئ الايجابي..بيكون عندي بيبي^^
وان شاءالله ماتمري بالي مريته
وراوتني الدكتوره الجنين وجيكت على النبض وكل شيء كان أووكي
روحي مستشفى خاص أحسن لج^^

بعدج بعدج حبيبتي

ويختلف من وحده لثانيه

يمكن انتي يطلع وحامج خفيف او مافي وحام اصلا

مثلي بالضبط من كنت بالاسبوع السادس مكنت حاسة بشي ولكن بعد اسبوعين بدت الاعراض عندي قوية ولكن تقدر الدكتورة تشوف نبضة بالاسبوع السادس عسب تتطمنين علية

فدينكن والله ربي لاخلاني منكن ولا عدم , تسلمن عالردود الحلوة والله طمنتوني الله يطمن قلوبكن يا رب , قهرتني الدكتورة اللي رحت عندها آخر مره ما سوت لي شي ولا شيكت على نبض الجنين ولا شي , عشان جيه تميت احاتي , باذن الله عندي موعد باجر فالمستشفى الدولي الحديث بطلبها تسمعني نبض الجنين فديته ربي يحفظلي اياه ويثبته لي آمين يا ربيه

بس انا لاحظت على عمريه , ان تييني غازات وايد , واحس مرات اني نفسيتي بايخه ومرات عصبية
يا ترى هالاشياء طبيعية ؟