اليوم حابه انزل موضوع بفكره مادري يمكن ما تكون يديده بس قلت خلونا نتشارك عشان نرتقي بالذوق العام
الموضوع تقولين شفتي شي على بنات الامارات وعيبج وشفتي شي ما عيبج وودج يروح مقبرة التاريخ لوووول .. طبعا خواتي بدون المساس بالوصف لاي بنت عشان ما تاخذون اثم
نتكلم على الي شفنا في يمعة حريم .. عزومة .. جامعه .. كليه .. السوق بس مو عرس بليز
خلونا نفيد ونستفيد ونساعد بعض باحلى الاشياء الي دارجه
خواتي تنبيه .. بليييز مابا الموضوع ينجلب فلسفه واستفسارات ويضيع الهدف مثل وايد مواضيع فالقسم .. انا وضحت انه الهدف من الموضوع نرتقي بالذوق ونعرف الجديد من بنات الامارات نفسهم في حدود الحشمه والاحترام والي تبا تستفسر تكلم العضوة على الخاص
واتمنى من الجميع التعاون لا تكونن كسلانات اوكيه
ونبدأ
———————————
الدارج حاليا هو العباه القصيرة شوي والشوز بكعب مبين ممكن يكون ماركه ممكن يكون شوز راقي وحلو ..
————————————-
اغلب الدارج العبي السودا داخل فيها مخمل اسود او خامات سوده تكون كامل او الاكمام مع الاكمام الواسعه (ركبو تك تك عشان ما اخذ اثم)
—————————————————-
عبي بقصات في حدود المعقول بحيث تزيدج شياكه بعيد عن عباة الستاره والزم الي خلاص اتمنى يروحن لمقبرة التاريخ لانه عيييييييييييب بنت تطلع لابس عباه جيه اسمحولي
————————————————
دارج شل الكلاتش حاليا اكثر من الشنطة الشل بحيث تكون كلاتش نهاري مش سهرات مثل الي نزلت عن بلانسياغا وايف سان لوران و ديور .. وحتى محلات عاديه مثل مانجو اتش اند ام
غالبا الخام يكون جلد مات او شايني .. شكلها وايد شيك وراقي في نفس الوقت
————————————–
عيبني في يمعات الحريم الميني جلابيه .. شفتها في اكثر من يمعه الصراحه شي ذوق وحلو وفيه تغيير عن الستايل التقليدي
—————————————-
ما تعيبني العباه الي من الركبه ونازل مبطله ما تتسكر وتحتها تايت او لاجينز .. الناس اذواق بس ما اشوفها شيك
—————————————
عيبتني في يمعة حريم ستايل جلابيات مغربيه بقصات فرنسية وخامات شيفون وحرير قمة فالذوق واهم شي الشغل الناعم
————————————-
هذا الي في بالي الحينه واذا عيبكم بنكمل ^-^
العباه افضل انها تكون ساترة و ما تبين تفاصيل الجسم
و انا بعد عيبتني الميني مغربية كيوت فاللبس
ماحب قصات البنات القصيره وايد حلات البنت وهيه شعرها طويل لين الظهر ع الاقل .
ما يعيبني البنات الي يلبسون شنط سيرها طويل في ملجه ولا حفله احس ما فيها ذوق صراحه.
يعيبني استايل الفساتين القصيره شوي مب واايد وعليها حزام خفيف ما يكون ع الجسم
ما يعيبني وحده تلبس اسواره وساعه وخاتمين وقلب وكواشي احسه وايد حشره
ما يعيبني البنات الي يشلن شنط ماركه راحه موضتها اللحين خليها لين ترجع موضتها لانها مب دارجه حاليا
ما عرف وجهة نظر *
فخوره ب بلادي
اشكركم على التفاعل فالموضوع وردودكن الطيبه
فعلا كلامكن وايد واقعي
حياكم الله
دارج هذا السيزن الطبقات في الملابس
بس لازم الوحدة تكون ضعيفـة عسب ما تزيددها اللايرز حجم
ربي يوفقج أختي 
وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
رفع لعيونك