شعري بعد الكيراتين ازياء عصرية

بنات شخباركم
بعد عدة اسئله واستفسارات عن الكيراتين قررت اسويه وياريتني ماسويته
عملتلي نوع اسمه جلامور وقلتلها ابيه يتم كيرلي بس المهم الجفاف والتجعد والنفشه تروح
عملته يوم الخميس وسافرت طبعا عندها لانها سشورته ما عرفت شي (انا خبله)
بس يوم وصلت من السفر وغسلته فقدت عقلي ناشف مثل اول ولا كاني سويت شي المهم ابي اتصرف الحين اعيد الكيراتين ولا تمليس ينفع لا شو انا شعري مصبوعه اطرافهواحس اني مقهوره عفلوسي اللي بالزباله

مممممم ميبي مااضبط بعد هو ع حسب الصالون
موو كل الصواالين يضبط عندهم
لآانه ع حسب علمي الكيرآاتين الشعر يكون نآاعم
مسشوؤر ويتم لكم شهر ..

بنت عمي من ايآام مسويه كيرااتين تقريبا اسبوع آلحين
لكن مااخترب شرات الشعر المسشور تغسله وكل شي

السلام عليج أختي…أختي أحيانا السبب يكون نوعية الشعر نفسه …أنا وأختي سوينا نفس الكيراتين عند نفس راعة الصالون والنتيجة عندي حرير وشكله طبيعي بس عند أختي ولا كأن سوت شي !!!! وعادت وسوت عند حد ثاني وبعد ما كان للكيراتين أي تأثير على شعرها وتم شعرها مثل ماهو ولا تكون صار جاف بعد

أنا ما جربت الكيراتين بس جربت التلميس أول سويته تم حوالي خمس أيام ناااعم لأني مستشورتنه فالصالون طبعا ترى يوم تسوين تلميس هم يسوون وياه سشوار بس بعد الخمس ايام يوم غسلته استوى عادي بس شوي مفرود من التلميس و أنا نوع التلميس اللي سويته مؤقت يعني مدته ست شهور بس أحس بعد 3 شهور انتهت صلاحية التمليس و رد شعري مثل ما كان …..الحين أفكر أسوي كيراتين بس لازم أسأل قبل عن سلبياته و أسأل اللي مجربات و إذا ارتحت بسويه

مثل ما قالو على حسب نوع الشعر اذا شعرج كان ناعم او ناعم بس مجعد بيستوي حرييير وما بيخترب
اما الي شعرهم ناشف ومجعد وخشن ما بيستوي عدل يوم يومين ويخترب
والي شعرهم جيه التلميس افضل
بس بعد ماااا انصحكم بهالشغلات لانها بتخرب شعركم مستقبلا ومب اي صالون يسويه عدل

فيعني خلو الشعر طبيعيي احسن والله

الله يعينج حبيبتي

مشكورات خواتي والله ماقصرتو اخر شي كنت اتوقعه انه بلا فايده حاولت وايد اقرا شي يقول مسرطن شي يمنع الوضوء بعدين قالولي الانواع القديمه الضاره الحين لا لانه خالي من ماده …. ما ادري شو اسمها المهم الله يعوضني خير لو اني بدبي رديتلها خلصت عليها بس الحمد لله عكل حال