شاي كراك بطريقتي السهلة و البسيطة بـ الصــــور من مطبخي

خواتي بحط لكم طريقة شاي الكراك ….طريقتي بسيطه و بحطها لكم بالخطوات المصورة
و الكمية اللي بسويها تسد حق الدلة اللي تكفي ليتر ….يمكن بعض الدلال ما يكون مكتوب عليهم بس بعض الأنواع يكتبون تحت الدله …

800 ملي ماء (( هاذي الكمية = غرشة ام 500 مل + نصف غرشه ام 500 مل ))

4 ملاعق طعام سكر
1 ملعقة طعام شاي بودرة (( والشاي البودرة اهم شاي لشاي الكراك …الشاي اللي في الأكياس ما ينفع ))
نصف ملعقة شاي هيل

الطريقة:

نضع الماء على النار و نحط الشاي و السكر و نخليهم يطبخون دقيقتين….

ثم نضيف حليب الرينبو و الهال…نخليهم يطبخون لين ما يفور الخليط….و احذرو لا يطيش و ينكب

بعد ما يفور الحليب نوطي على النار…و نخلي الحليب يطبخ على نار هااااااااااديه ….لمدة 5 دقايق..

بعدين نحط مصافاة الشاي على الدلة و نصب الحليب في الدله و خلاص توته توته خلصت الحدوته…و هذا كوب لـ اول وحده ترد