يوم طلعتنا مع الاهل للبر سويت سينابون كيك…ممممممممم اعجبت الكل ما شاء الله قلت لازم انزلها
لانه في بنات اطلبوا طريقتها.. …
الطــــــــــــــريقه
اي كيكه بيضاء تظبط معاج
تدهنين الصينيه بالزيت
وتصيبين نص مقدار الخليط
وترشين عليه سكر بني وقرفه والكاكا والبودر و نسكافيه.. انا حطيت قفشه وحده من كل نوع…وطحنتهم بالمطحنه الكهربائيه..وبعدين حطيتهم على الخلطه…
وتصبين فوقها باقي الخليط
وتدخلينها الفرن
وبعد ما تطلع….
تجهزين الصوص وهو…
12 اصبع زبده
3 ملاعق اكل سكر بني
2 ملعقة اكل قرفه مطحونه
اذا ذابت المكونات على النار تضيفين
ربع علبة الحليب المحلى
وتخلينها على النار دقايق لحد ما تثقل
مع التحريك
وخر شي تضيفين الجوز المحمص
لكن انا ما حطيته
وتصبين الصوص فوق الكيكه
وتزينينها بالهيرشي السائل
ماشاء الله رووووعه اتمنى انكم تجربونها…
دمتم في حفظ الرحمن
يعطيج العااافية
جاري التطبيق
بحربها بس بدون قرفة لاني ما حبها واااايد
يسلمووووووووووووو