ماتاخذ وقت ولذيذة جربوها وادعولي ….
الطريقة :
1- نسلق المعكرونة في ماي وملح وشوية زيت عسب ماتلصق
2- نخلط 1 قشطة و3 ملاعق طعام جبن سايل و 2 ملعة طعام مايونيز مع بعض عدل ونحطه ع صوب
3- نييب الخلطة رقم ( 2) ونحطها على المعكرونة بعد مانشخلها
4- اتجهزين اي حمسة انتي تعيبج دياي او تونه او لحم مفروم وكل وحدة لها طريقة في الحمسة
5- نييب البايركس ونحط المعكرونه بعد ماخلطناها بالخلطة رقم ( 2 ) بعدين نحط الحمسة وفوق
وفوق الحمسة نحط طماط وفلفل اخضر وزيتون اخضر واسود بدون النوى او اي اضافة انتي حابة
تضيفينها وآخر شي انحط جبن الموزريلا المبشور فوقهم ونحطها بالفرن لين مايذوب الموزريلا
وقدميها بالعافية ويارب تعيبكم واتمنى الشرح كان سهل وبسيط
ملاحظة : شكلها بيطلع حلو اللي بيشوفها بيتحسبها بيتزا ومن تحت معكرونة
السلام عليكم
حفظت الوصفة عندي تسلمين ختيه :22 (22):
..
.
وربي يسعدج ويعطيج الصحه والعافيه
محد شراتي : تسلمين ع الرد الحلو وانتي الروعة
عروس الجنة : الله يسلم غاليج
عيوز في ورطة : جربيها وبتعيج وعليج بالعافية مقدما
اسعدتني ردودكم واتريا اكثر
يعطيك العافية