هالسويت خذيت وصفه من مدونة ثاني وحبيت اطبقه
المكونات(كورن فليكس،جالكسي،نسكافيه(اختياري)،سكر،قشطه،فول سوداني ،
اول خطوه نسوي التوفي (نحط 3فناجين سكر ويا خاشوقتين ماي ونحركهم على النار مانحتاج لازبده ولا زيت)
لين مايتغير لونه ويصير كارميل
عقب نشيله على النار هالخطوه وايد مهم نبعده عن النار ونحط القشطه بس مب كلها خاشوقه وحده ونتم نحرك بسرعه ها كله بعيد عن النار ونحرك عشان مايتكتل السكر وعقب نحط القشطه كلها ونتم نحرك وعقب نردها على النار
نحركه دقيقه بس عقب نبند النار عنه
نحط زبده الفول السوداني (هاي الطريقه يسمونه السنكر منزلي يعني ممكن تعتمدون التوفي والفول السوداني في تنزيين الايس كريم او الحلويات طعمه حلو)المقدار اختياري انا حطيت خاشوقه كبيره
الحين التوفي عندنا دافي نحط الجالكسي وبعد اختياري انا حطيت اربع مربعات
(هالمكون اختاري انج تضيفين نسكافيه تقريبا ربع خاشوقه)
عقب نفتت الكورن فليكس بايدكم مب تطحوننه بورده لانه جي بيكون مقرمش
وتحطونه على التوفي
ونحطه على التوفي ونشكله
تحطونه فالثلاجه ساعه وقدمووووا
بالعافيه
