سنه أولى كي جي تعليم الامارات

مرحبا اختي حتى انا ولدي كيجي ون وانا نفسج اخاف يقعد يصيح ومايروح المدرسه الحين يقولي ماماه اريد اروح المدرسه اقوله مابتصيح يقول لا اخاف وقت الجد يقعد يشل المدرسه فوق راسه الله يعيني عليه 000
اختي اول اسبوع اغريه بالهدايا يعني قوليله اذا مابتصيح بشتريلك لعبه وفعلا خلي اللعبه جاهزه فالبيت ويوم ايي عطيه لين مايتعود عالمدرسه وحاولي بعد تودينه المدرسه بنفسج وتقعدينه عالكرسي وتقوليله بروح اشتريلك حلاوه او لعبه او اي شي وبردلك طبعا انتي هنيه اتفقي ويا المعلمه انج مابترديله هو طبعا يمكن يلها ويا العيال والمعلمه وبيخطف الوقت وان شاء الله مابيصيح او خلي الخدامه تيلس عنده لحد مايتعود وان شاء الله خير واتمنى اكون افدتج والسموحه

ويييييييييييييييييييه ..ولد ي العام ..سجلته اول روضة ..وداومت وياه اسبوع كامل ..وما يقتنع ..كله يصيح …ومليت ..وهونت ما كملت السنة ..وهاي السنة سجلت كي جي تو …واشوفه مرات يقول بروح مرات يقول ما بسير …مااعرف شو اسوي وياه ..رغم انه بنتي العودة ..ما تعبتني …قبل ..الله يعينا بس

يصير يتسجل فروضة ثانية وهو ما دخل روضة أولى؟؟!

أحسه صغير يحليله

بس بالنسبة للصياح لازم،، يلسي معاه شوي ،، وبعدين المدرسة تقدر تسكتهم

مرحبا..انا من راي انه كل طفل وكيف متربي ومتعود وكيف طبيعته بالاحرى انا عندي عيالي كل واحد شكل يعني اول واحد ماصاح بس تم يرفض اي شي وتم متمسك فيني وتقريبا تميت معاه اسبوع فديته في المدرسه قلبي عورني عليه بس الحمدالله مدرساته كانن وايد زينات قدرن يسيطرن على الوضع ثاني وحده عادي ماتعبتني اما ثالث وحده السنه هاي سايره ثالث ولين السنه اللي طافت يوم ايي في مزاجها تدلع عادي تقول مابا اداوم واروح معاها واسولف وياها في الطريق لين نوصل ويوم نوصل تقولي مابحول واتم اكلمها لين اقنعها تحول ويوم تحول ونوصل الكلاس تقول مابدش هنيه تبدا المعانه لاحظن انها كانت كي جي 2 يعني مب اول سنه عشان جيه كل طفل يختلف والحين عندي الدلوع اخر العنقود مسجلتنه كي جي 1 والله يعيني عليه ويعطيني طولت البال لانه وااااااااااااااااااااااااااااااااااايد مدلعتنه

سوري غلطه مطبعيه ((((كنت اطري بنتي انها سايره صف اول مش ثالث)))