اشحالكم خواتي عساكم بخير خواتي حسب طلب احد الاخوات اللي طلبوا مني اعادة وضع صور للاكله لانها مختفيه الصور ولاقدرت اعدل عليها السابق
الحين بحط لكم الطريقه للسندويش
المقادير سهله وفي كل بيت وسهل انكم تيبونها
وسمحولي عاد يقول لكم الطريقه بالغتنا المحليه
بنبتدي بالمقادير
خبز ايراني
دجاج صدور طبعا بدون عظم
جزر مبشور
فلفل بارد مقطع صغار
بصل مقطع صغار
قشطه
جبن بوك او المراعي او اي نوع بس يكون سائل
كزبره خضرا مفرومه
وثوم
ملح
كركم
زيت لقلي البصل
وزيت الزيتون لدهن الفطاير
بهارات افضل نوع الكاري لانه اطيب يطلع في الطعم
وانا ماحطيت مقادير للكميه حطوا حسب افراد العائله
بنبتدي بطريقه
اول شي نحط الدجاج على النار ويوم يغلي نزيل عنه الرغوه
يوم نشوفه قرب النضج نحط الملح والكركم عليه
ونخليه شويه لين ياخذ الدجاج لون اصفر من الكركم
تقريبا ربع ساعه
بعدين نطفي النار عنه ونخليه يبرد و نفتته قطه صغار
ناخذ الجزر ونبشره في المبشره نخليه ناعم مانقطعه مبشور
احسن شي بمبشرة الجبن
نقطع البصل سرايح او نفرمه ونحمره في الزين يوم يحمر البصل نحط الجزر عليه
ونحركه على نار هاديه لين نشوف الجزر نحط عليه الفلفل البارد ناخز الدجاج المفتت وثوم
ونحطه على الخلطه السابقه ونحط عليه الكاري وشويه ملح لاتنسون انه الدجاج مالحينه من قبل ونخليه
على نار هاديه نغطيه وبين فتره وفتره نحركه لانه كل شي ناضح بس نبغي الخلطه تاخذ من لون الجزر وطعم الكاري ومانطول في طبخه تقريبا ربع ساعه نحط عليه الكزبره المفرومه ونطفي النار عنه ونخليه يبرد
ويوم نتأكد انه بارد مب حار بيخترب الاكل تراه
نحط القشطه والجبن عليه ونحلطه
وهذي صورة الخلطه وهي جاهزه
وناخذ الخبز الايراني ونحط عليه خلطة الدجاج ونسكرها نسويها نفس السندويش نسكرها من كل الجهات على شان ماتطلع الخلطه وتخرب علينا السندويش ويطلع طعمها محروق
شوفوا الصور
هذا يوم جهز وقدمته
وألف صحه وعافيه على قلبكم
وللي عنده اي سؤال انا خاضره
قولولي عاد شو رايكم في طبخي وبغيكم تجربونه ان شاء الله
يعجبكم
https://uaewomen.net/showthread.php?t=17082
هذا رابط العنوان الاصلي انا غيرت في الاكله شويه حطيت فلفل بارد ع الخلطه وكتبت سندويش بدل فطاير عله واحد المهم شي ينكل هههههههههههههههههه
وسموحه منكم
تسلمين ع طلتج الحلوه
انا عملتها من نفسى …………. ابتكرتها لوحدى مع انى مالى فى الطبخ ابدااااااا
لكن فعلا انصح كل واحده تجربها
فعلا جميييييييييييييله
لكن انا الف الخبز بالطول وبعد ما اخرجه من الفرن اقطعه الى قطع صغيره
وانا اقطع كل وحده نصفين بس الحين يوم صورت ماقطعتهم
تحيتي لج والله يوفقج يااالغلا
تحيااااااتي لك ع تواصلج