سر سعادتي الزوجيه ودلع زوجي لي هو!!!

مرحبابكم كلكم ومبروك عليكم الشهر

حبيت اكتب اول مشاركة لي واتمنى ان تفيدكم

تزوجت سنة 2024 شهر 4

وعندي بيبي ولد عمره 7شهور

ندخل في صلب الموضوع

اللهم لك الحمد والشكر من اتزوجت الى اليوم ماحسيت بضيج من زوجي وهو كذلك يحبني ويحترمني ويدلعني ويموت في ولده

السبب هو

الطاعة الزوجية في كل الأمور

اعرف شو يحب ريلي واسويه والي مايحبه اتجنبه
وان كانت بعض الامور عاديه بس ماتعيبه مثل (صبغ الشعر)اصبر عليه وبسياسه والكلام الحلو صدقوني اوامركم تتنفذ مثلن بعد فتره تقول لزوجج(حبيبي ادري انك خايف على شعري يخترب بس هاي فيها مواد طبيعيه وبهتم فيه صدقني وتقولين ادري انك ماشبعت من لون شعري بصبر شوي وادري انك مابتردني عقب

والسر الثاني هو في حالة عصبية الزوج استخدمي سلاحين الهدوء وكلمة ان شاءالله

والسر الثالث هو اهتمامج في نفسج ونظافتج الشخصيه

عن عمري بخبركم شسوي انا لانه دوام ريلي شهر موجود وشهر لا كل شهر احاول اغير لوك ولو ببساطه
مثال
اغير طريقة حنايه مره احني ايدي وريولي ومره نقش تراثي ومره على الظهر والتاتو

حتى الميكب اغيره والعطور والدخون كله يلعب دور كل ماايي زوجي لازم ولدي نظيف ودهن عود وكله يتفدا نظافته ويشكرني على اهتمامي بولدنا وان مالاحظ ريلج قوليله شو رايك بترتيبي شو رايك بنظافة ولدك وقوليله اي مدح يقولونه اهله لج خبريه بيفهم وبيقدر

وللمتزوجات السر الليلي هو انج تكونين سلسه ورقيقه وجدا هاديه في الفراش وتنتقين كلمات الحب القويه ولا تستحين هذا زوجج ولج كل الحق وغيري اجواء الغرفه مثال

اخر مره يوم يا اشتريت ليتات كريسمس وحطيتهن على الشبريه تغيير بسيط بس عجبه

وطبعت لحافي دوم مدخن

واسوي ليله مساج بين فتره وفتره واجهزلها طش فيه ماي دافي عدال التلفزيون واسويله مساج حق ريوله

وفي الاخر الدعاء والاستغفار وصدقيني انتي لج الف سر لسعادتج الزوجيه

تحياتي وسامحوني على الاطاله

الله يوفقكم يارب